Almaty qoǵamdyq kóliginiń júrgizýshileri jolaýshylarmen sypaiy qarym-qatynas jasaý kýrstarynan ótedi, – dep habarlaidy Dalanews.kz Almaty qalasy ákiminiń baspasóz qyzmetine silteme jasap.
Bul týraly Jetisý aýdanynyń turǵyndarymen kezdesý barysynda Almaty ákimi Erbolat Dosaev qalalyq tasymaldaýshylar usynatyn qyzmetterdiń sapasy týraly suraqqa jaýap berdi.
«Qoǵamdyq kólikte qyzmet kórsetý sapasyn arttyrý mańǵyzdy máleleniń biri bolyp tabylady Biz bul baǵytta jumysty jeke tasymaldaýshylarmen de, «Almatyelektrotranspen» de turaqty negizde júrgizip jatyrmyz. Oń ózgerister bar, biz muny Open Almaty-degi ótinishterdiń qurylymy boiynsha kóremiz. Qalada jyljymaly quram jańartyldy, biraq júrgizýshiler boiynsha suraqtar bar», - dedi Erbolat Dosaev.
Megapolis ákimi búginde kásiporyndardy júrgizýshiler sany men olardyń aýysymy boiynsha normativtik qamtamasyz etýge bailanysty másele tolyq sheshilmegenin, bul jumysty jandandyrýǵa qatysty ekenin atap ótti.
«Biz júrgizýshilerdiń jalaqysyn taǵy da kóterdik jáne qoǵamdyq kólik júrgizýshisiniń jumysy bedeldi bolýy úshin muny jalǵastyrýǵa niettimiz. Sondai-aq, men kolledjdermen júrgizýshilerdi daiarlaý máselesin, onyń ishinde jolaýshylarmen qarym-qatynas mádenieti turǵysynan pysyqtaýdy tapsyrdym. Biliktilikti arttyrý kýrstarynan ótkender jalaqyǵa ústemeaqy alady. Biz materialdyq yntalandyrý arqyly jumys sapasyn jaqsartýǵa mán beremiz, jyl sońyna deiin osy máselelerdiń bir bóligi júzege asatyn bolady», - dep atap ótti Almaty ákimi.
Aita ketý kerek, biyl qalada júrgizýshi quramy úshin demalys bólmelerimen jabdyqtalǵan 10 demalý pýnkti salynady.
