Almatyda biiktigi 6 metrden asatyn qylqan japyraqty biik aǵashtar otyrǵyzyldy, - dep habarlaidy Dalanews.kz.
Almatyda kógaldandyrý jáne ekologiialyq jaǵdaidy jaqsartý baǵdarlamasy aiasynda qylqan japyraqty biik aǵashtar otyrǵyzyldy. Sátbaev kóshesinde 22 apatty aǵashtyń ornyna biiktigi 6 metrden asatyn 36 tian-shan shyrshasy otyrǵyzyldy.
Jergilikti pitomnikterdiń kóshetteri qalanyń klimattyq jaǵdaiyna sáikes keledi, tózimdiligi joǵary jáne agressivti qalalyq ortaǵa tez beiimdele alady.
Eski aǵashtardy aýystyrý qajetti shara boldy.
Eske salsaq, kóshpeli keńes barysynda ǵylymi qyzmetkerlerdiń, sarapshylardyń, qoǵam qairatkerleriniń jáne BAQ ókilderiniń qatysýymen Sátbaev kóshesindegi aǵashtardyń jaǵdaiy baǵalandy. Ýchaskede eski shyrshalar ósedi, olar zertteý nátijeleri boiynsha apatty dep tanylyp, qala turǵyndary men qorshaǵan ortaǵa qaýipti. Sondyqtan jańalaryna aýystyryldy.
Biiktigi 4-ten 6 metrge deiingi iri kóshetterdi paidalaný aǵashtardyń tirshiligin jaqsartýǵa, jetilgen landshaft jasaýǵa jáne qala kósheleri men saiabaqtarynyń estetikalyq kelbetin saqtaýǵa múmkindik beredi. Ǵalymdardyń usynystary boiynsha qysta qylqan japyraqty aǵashtardy otyrǵyzý jerdiń jabyq kesegimen júrgizildi.
