Bir ǵana Almatyda myńnan astam qurylǵyǵa qatysty shaǵym túsirilgen dep habarlaidy Dalanews.kz aikyn.kz-ke siltep.
Tarqatyp aitar bolsaq, almatylyq ata-analar tegin taratylǵan planshetterdiń istemeitinin aityp, shaǵym qaldyrǵan.
Qala ákimdiginde qurylǵan arnaiy komissiia saraptamanyń birinshi kezeńin qorytyndylady. «Ótken aptada kópbalaly analardyń tarapynan kóp shaǵym keldi. Soǵan bailanysty biz ata-analardyń qolyndaǵy planshetterdiń tehnikalyq talapqa sai ekenin anyqtaý úshin arnaiy táýelsiz saraptama taǵaiyndadyq», – dedi qoǵamdyq baqylaý úilestirýshisi Saida Táýekeleva.
Qalada jalpy quny 1 mlrd 319 myń teńge bolatyn 22 myń planshet taratylǵan. 1 planshet quny 60 myń teńge shamasynda eken.
«1119 planshet jaramsyz bop shyqty. Bul buiymdardy jetkizýshige qaitardyq», – dedi qalalyq Bilim basqarmasy basshysynyń orynbasary Aidyn Sailaýbai. Sarapshylardyń pikirinshe, tehnikalyq aqaýlar mehanikalyq áserden bolýy múmkin.
«Zaýyttan bolǵan aqaý bolsa, jetkizýshi aýystyryp beredi. Bul tehnika bolǵandyqtan, buzylýy múmkin. Planshet oinaýǵa emes, sabaq oqýǵa beriletinin eskerý kerek», – dedi monitoring tobynyń ókili Rafael Gasanov. Onyń aitýynsha, planshetterge 3 jyl kepildik beriledi.
Almaty oqýshylarynyń 96 paiyzy qashyqtan bilim alýy úshin qajetti quralmen qamtylǵan. Eger planshet mehanikalyq áserden isten shyqsa, ony aýystyrý zań boiynsha qarastyrylmaq.
