20 naýryz kúni koronavırýs dıagnozymen túsken azamat Qaskeleń qalalyq ınfeksıalyq aýrýhanasynda tolyq em alyp, keshe úıine shyǵaryldy. Qarasaı aýdany, Qyrǵaýyldy aýylynyń turǵyny 1985 jyly týǵan azamat 17 naýryz kúni Mekkeden Túrkıa men Qyrǵyzstan elderi arqyly Almatyǵa kelgen. Emdelýshige 08.04.2020 j. jasalynǵan qaıta taldaý nátıjesi teris ekenin kórsetti.
Pasıentpen qarym-qatynas jasaǵan 2 azamat pen olardyń otbasy shuǵyl oqshaýlanyp, dárigerler baqylaýyna alynǵan. Taldaý qorytyndysy teris bolyp shyqty.
10 sáýirdegi jaǵdaı boıynsha Qaskeleń qalalyq ınfeksıalyq aýrýhanasynda koronavırýs dıagnozy anyqtalǵan 7 adam em qabyldap jatyr. Densaýlyqtary qanaǵattanarlyq. Dene qyzýy birqalypty. Shaǵymdary joq.
Almaty oblysy ákiminiń baspasóz qyzmeti
