20 ناۋرىز كۇنى كوروناۆيرۋس دياگنوزىمەن تۇسكەن ازامات قاسكەلەڭ قالالىق ينفەكسيالىق اۋرۋحاناسىندا تولىق ەم الىپ، كەشە ۇيىنە شىعارىلدى. قاراساي اۋدانى، قىرعاۋىلدى اۋىلىنىڭ تۇرعىنى 1985 جىلى تۋعان ازامات 17 ناۋرىز كۇنى مەككەدەن تۇركيا مەن قىرعىزستان ەلدەرى ارقىلى الماتىعا كەلگەن. ەمدەلۋشىگە 08.04.2020 ج. جاسالىنعان قايتا تالداۋ ناتيجەسى تەرىس ەكەنىن كورسەتتى.
پاسيەنتپەن قارىم-قاتىناس جاساعان 2 ازامات پەن ولاردىڭ وتباسى شۇعىل وقشاۋلانىپ، دارىگەرلەر باقىلاۋىنا الىنعان. تالداۋ قورىتىندىسى تەرىس بولىپ شىقتى.
10 ساۋىردەگى جاعداي بويىنشا قاسكەلەڭ قالالىق ينفەكسيالىق اۋرۋحاناسىندا كوروناۆيرۋس دياگنوزى انىقتالعان 7 ادام ەم قابىلداپ جاتىر. دەنساۋلىقتارى قاناعاتتانارلىق. دەنە قىزۋى ءبىرقالىپتى. شاعىمدارى جوق.
الماتى وبلىسى اكىمىنىڭ باسپا ءسوز قىزمەتى
