Búgin Almaty oblysynda koronavirýs infektsiiasyn juqtyrǵan 14 adam aýrýhanadan shyǵaryldy. Emdelip shyqqan 14 adamnyń 9-y - bir otbasynyń músheleri. Otbasynda virýs juqtyrǵandardyń qatarynda 2017 j, 2014 j. 2012 jyly týǵan balalarmen qatar 2020 jyldyń 26 naýryz kúni dúniege kelgen 1 ailyq sábi de bar, - dep habarlaidy Almaty oblysy ákiminiń baspasóz qyzmeti.
Eńbekshiqazaq aýdanaralyq kópsalaly aýrýhananyń direktory Jamila Abeýova koronavirýs diagnozymen túsken eń kishkentai patsientti dárigerler erekshe baqylaýǵa alǵanyn aitty.
- Bala aýrýhanaǵa túsken kezde týǵanyna 18 kún ǵana bolǵan. Sondyqtan erekshe baqylaýǵa alyp, kúndelikti emdeý tásilin dárigerlermen talqylap otyrdyq. Balada em qabyldaý kezinde eshqandai qiyndyq týǵan joq. Bala anasynyń janynda boldy. Aýrýhanadaǵy 20 kún ishinde 1 keli salmaq qosty. Qazir jaǵdaiy jaqsy, - deidi bas dáriger.
Sonymen qatar Eńbekshiqazaq aýdanynda 16 sáýir kúni tirkelgen 2 adamnyń biri 73 jastaǵy qariia bolsa, biri 1992 jyly týǵan Esik qalasynyń turǵyny. Dárigerler qariia koronavirýs infektsiiasynan tolyq emdelip shyqqanyn aitady.
Al Qaskeleń qalalyq infektsiialyq aýrýhanasynda 17 sáýirden bastap em qabyldaǵan Qarasai aýdanynyń 1971, 1967, 1985 jyly týǵan turǵyndary búgin tolyqtai jazylyp shyqty.
Atalǵan eki aýdannyń emdelýshilerine 1 mamyr kúni júrgizilgen qaita taldaý qorytyndylary teris nátije kórsetti.
Atap ótsek, Eńbekshiqazaq aýdanynda jazylyp shyqqandardyń barlyǵy Rahat aýyldyq okrýgine qarasty «Kóksai», «Bereke», «Altyn Alma», «Altyn Adam» saiajailarynyń turǵyndary. Atalǵan saiajailarda aýrýdyń jańa jaǵdaiy tirkelmegendikten, olardaǵy karantin alynyp tastaldy.
COVID-19 infektsiiasynyń taralýy boiynsha epidemologiialyq jaǵdaidyń ózgerýine bailanysty karantin sharalarynyń rejimi men merzimi ózgerýi múmkin. Biraq jalpy karantin talaptary saqtalady.
Jalpy, búgingi kúni Almaty oblysynda koronavirýs diagnozymen 149 adam tirkeldi. Onyń 28-i emdelip shyqty.
