بٷگٸن الماتى وبلىسىندا كوروناۆيرۋس ينفەكتسيياسىن جۇقتىرعان 14 ادام اۋرۋحانادان شىعارىلدى. ەمدەلٸپ شىققان 14 ادامنىڭ 9-ى - بٸر وتباسىنىڭ مٷشەلەرٸ. وتباسىندا ۆيرۋس جۇقتىرعانداردىڭ قاتارىندا 2017 ج, 2014 ج. 2012 جىلى تۋعان بالالارمەن قاتار 2020 جىلدىڭ 26 ناۋرىز كٷنٸ دٷنيەگە كەلگەن 1 ايلىق سەبي دە بار, - دەپ حابارلايدى الماتى وبلىسى ەكٸمٸنٸڭ باسپاسٶز قىزمەتٸ.
ەڭبەكشٸقازاق اۋدانارالىق كٶپسالالى اۋرۋحانانىڭ ديرەكتورى جاميلا ابەۋوۆا كوروناۆيرۋس دياگنوزىمەن تٷسكەن ەڭ كٸشكەنتاي پاتسيەنتتٸ دەرٸگەرلەر ەرەكشە باقىلاۋعا العانىن ايتتى.
- بالا اۋرۋحاناعا تٷسكەن كەزدە تۋعانىنا 18 كٷن عانا بولعان. سوندىقتان ەرەكشە باقىلاۋعا الىپ, كٷندەلٸكتٸ ەمدەۋ تەسٸلٸن دەرٸگەرلەرمەن تالقىلاپ وتىردىق. بالادا ەم قابىلداۋ كەزٸندە ەشقانداي قيىندىق تۋعان جوق. بالا اناسىنىڭ جانىندا بولدى. اۋرۋحاناداعى 20 كٷن ٸشٸندە 1 كەلٸ سالماق قوستى. قازٸر جاعدايى جاقسى, - دەيدٸ باس دەرٸگەر.
سونىمەن قاتار ەڭبەكشٸقازاق اۋدانىندا 16 سەۋٸر كٷنٸ تٸركەلگەن 2 ادامنىڭ بٸرٸ 73 جاستاعى قارييا بولسا, بٸرٸ 1992 جىلى تۋعان ەسٸك قالاسىنىڭ تۇرعىنى. دەرٸگەرلەر قارييا كوروناۆيرۋس ينفەكتسيياسىنان تولىق ەمدەلٸپ شىققانىن ايتادى.
ال قاسكەلەڭ قالالىق ينفەكتسييالىق اۋرۋحاناسىندا 17 سەۋٸردەن باستاپ ەم قابىلداعان قاراساي اۋدانىنىڭ 1971, 1967, 1985 جىلى تۋعان تۇرعىندارى بٷگٸن تولىقتاي جازىلىپ شىقتى.
اتالعان ەكٸ اۋداننىڭ ەمدەلۋشٸلەرٸنە 1 مامىر كٷنٸ جٷرگٸزٸلگەن قايتا تالداۋ قورىتىندىلارى تەرٸس نەتيجە كٶرسەتتٸ.
اتاپ ٶتسەك, ەڭبەكشٸقازاق اۋدانىندا جازىلىپ شىققانداردىڭ بارلىعى راحات اۋىلدىق وكرۋگٸنە قاراستى «كٶكساي», «بەرەكە», «التىن الما», «التىن ادام» ساياجايلارىنىڭ تۇرعىندارى. اتالعان ساياجايلاردا اۋرۋدىڭ جاڭا جاعدايى تٸركەلمەگەندٸكتەن, ولارداعى كارانتين الىنىپ تاستالدى.
COVID-19 ينفەكتسيياسىنىڭ تارالۋى بويىنشا ەپيدەمولوگييالىق جاعدايدىڭ ٶزگەرۋٸنە بايلانىستى كارانتين شارالارىنىڭ رەجيمٸ مەن مەرزٸمٸ ٶزگەرۋٸ مٷمكٸن. بٸراق جالپى كارانتين تالاپتارى ساقتالادى.
جالپى, بٷگٸنگٸ كٷنٸ الماتى وبلىسىندا كوروناۆيرۋس دياگنوزىمەن 149 ادام تٸركەلدٸ. ونىڭ 28-ٸ ەمدەلٸپ شىقتى.
