Almaty oblysy, Jambyl aýdanynda Ekologtar kúnine oraı Uzynqarǵaly ózeniniń boıyn tazartý maqsatynda «Taza jaǵajaı – taza ózen» ekoaksıasy ótti, – dep habarlaıdy Dalanews.kz 

Sharaǵa 100-den astam adam, olardyń qatarynda jergilikti turǵyndar, jastar, belsendiler men qoǵamdyq uıym ókilderi at salysty.

Aksıanyń maqsaty – jaǵajaı aımaǵyn tazartý, sý aıdyndarynyń lastanýynyń aldyn alý jáne qorshaǵan ortany qorǵaýǵa qoǵam nazaryn aýdarý.

«Taza Qazaqstan» - elimiz, bolashaǵymyz, qorshaǵan ortamyz úshin úlken septigi bar ekologıalyq baǵdarlama. Sondyqtan, osyndaı ıgi sharalar jastarymyzdyń, jalpy barsha jerlesterimizdiń ortasynda ekologıalyq mádenıetti qalyptastyryp, aılanamyzdy taza ustaýǵa yntalandyrady», - dep atap ótti jergilikti analar keńesiniń tóraıymy Zıash Mamedova.

Aksıa barysynda qatysýshylar ózen boıyn turmystyq qaldyqtardan, plasık bótelkelerden, qaǵazdardan jáne basqa da qoqystardan tazalady. Nátıjesinde 3 tonnadan astam qoqys jınaldy.

Bundaı ekologıalyq sharalar aldaǵy ýaqytta da óz jalǵasyn tappaq.