Sońǵy aptada oblys aýmaǵynda 202 adamnyń keselge shaldyqqany anyqtalǵan. Olardyń ishinde Eńbekshiqazaq – 24, Jambyl – 9, Qaratal –19, Kóksý – 7, Panfılov – 8, Talǵar – 40, Uıǵyr aýdany –17, al Tekeli qalasynda 14 jaǵdaı tirkelgen. Sondaı-aq, bir táýlikte 24 jannyń koronovırýstyq ınfeksıany juqtyrǵany belgili bolǵan. Saldarynan indettiń ósý deńgeıi 0,4% qurap otyr.
– Almaty oblysy emhalaryndaǵy ınfeksıalyq tósek-oryndardyń júktemesi 28%, provızorlyq oryndarda 31,5% quraıdy. Oqý jylynyń basynan beri oqýshylar arasynda synama nátıjesi arqyly 67 jaǵdaı tirkeldi, – deıdi Almaty oblysy boıynsha taýarlar men qyzmetterdiń sapasy men qaýipsizdigin baqylaý departamenti basshysynyń orynbasary Ashat Charapıev.
Aıta ketý kerek, óńirde karantın sharalarynyń buzylýyna jol bermeý maqsatynda ákimdikter janynda 268 monıtorıńtik top jumys isteıdi, is-sharalarǵa, adamdardyń jappaı jınalýyna tosqaýyl qoıý úshin reıdtik tekserýler júrgiziledi.
Epıdemıaǵa qarsy sharalardy kúsheıtý sheńberinde jáne koronavırýstyq ınfeksıanyń (COVID-19) epıdemıologıalyq jaǵdaıyn eskere otyryp, respýblıkada jáne oblys aýmaǵynda Shyǵys Qazaqstan oblysymen shekaralas Alakól aýdanynda, onymen qatar Tekeli qalasy men Uıǵyr jáne Qaratal aýdandarynda sanıtarlyq beket ornatyldy.
Qazirgi tańda oblysta epıdemıologıalyq ahýal turaqty. Degenmen, karantın sharalaryn umyt qaldyrǵan kezde aımaqtaǵy jaǵdaı birden ózgerip ketetinin este saqtaǵan abzal.
