Eldegi tótenshe jaǵdaiǵa bailanysty respýblikamyzdaǵy ár óńir Prezident Qasym-Jomart Kemelulynyń tapsyramasyn buljytpai oryndaý maqsatynda túrli sharalardy iske asyrýda. Osy turǵysynda Almaty oblysy tym belsendi ekenin atap ótken jón.
Kenetten kelgen indet, talaiymyzdy tosyrqatqany jasyryn emes. «Ne istemek kerek?» dep sasqan eldi sabyrǵa shaqyrýshy biliktiń biliktiligin astyn syzyp aýyz toltyryp aitýǵa tolyqtai negiz bar.
Jer ásemi Jetisýdyń basshylary jastar jáne eriktilermen birigip qarqyndy eńbek etýde. Búgingi tańda oblys boiynsha 17 aýdan men 3 qalada barlyǵy 520 qaiyrymdylyq aktsiialary ótkizildi.
Onyń ishinde aýdan, qala kóleminde dezinfektsiialyq jumystarǵa atsalysý, azyq-túlik tasymaldaý, meditsinalyq antiseptik, jeke gigienalyq zattar jáne betperdemen qamtamasyz etýmen ainalysýda.
«Meiirimdi Jetisý» eriktilerdiń front-keńsesinde táýlik boiy áleýmettik jelilerde habarlama, telefon arqyly turǵyndardyń suranysyn qabyldaityn jeli jumys jasaidy. Áleýmettik jeli arqyly kómek surap bailanysqandar sany – 117, qaýyrt jeliniń kómegine júgingender – 78 adam.
Áleýmettik jaǵdaiy tómen, az qamtylǵan jáne kópbalaly otbasylar men jalǵyzbasty analarǵa, jalpy 357 otbasyna áleýmettik kómek kórsetilip, azyq-túlikpen qamtamasyz etildi.
Oblystaǵy 1300 eriktiniń atsalysýymen 3000 maska tigilip, turǵyndarǵa taratyldy.
Úiden shyǵyp, azyq-túlik alýǵa múmkindigi joq turǵyndarǵa kómek retinde jetkizip berý qyzmetine avtoeriktiler tartylǵan.
Bul bastamasy ǵana. Halyqtyń qamyn oilaǵan atqaminerler azyq-túlik baǵasyna da mán berip, baǵany baqylaýynda ustap otyrǵan jaiy bar. Osyǵan qatysty Almaty oblysy ákiminiń orynbasary Serikjan Beskempirovtiń tóraǵalyǵymen aimaq ákimderiniń selektorlyq keńesi ótti.
Onda naryqtaǵy máseleler talqylandy. Keńes barysynda ákimdikter "Aziia Agro-fýd" kompaniiasymen un óndirý boiynsha yntymaqtasatyny jáne Almaty oblysynyń turǵyndary bir kilogramm undy 130 teńgeden satyp alý múmkindigine ie bolǵany anyqtaldy.
Atalǵan ónimniń bir qabyn tek bir ǵana jeke tulǵa alady. Mundaǵy sebep, alypsatarlyqtan saqtaný.
Tótenshe jaǵadaidy óz paidasyna jaratatyn «pysyqtar» da tabylatynyn eskergen Serikjan Beskempirov jaýapty tulǵalarǵa azyq- túlik taýarlarynyń baǵasyn baqylaýdy tapsyrdy.
Búginde bazarda jáne dúkenderde el qoldan jasandy kezek jasap júr. Dál qazirgi sátte jeti ózeni toǵysqan mekende áleýmettik mańyzy bar taýarlar jetkilikti mólsherde dúrbeleń týǵyzýdyń qajeti joq.
Baǵany negizsiz arttyrý týraly derek tirkelse árbir ákim ózi jaýap beretin bolady , sondyqtan jumys isteý kerek jáne jaǵdaidy baqylaý qajet.
Ahýaldy basshylyqqa ala otyryp, aýdandar bir- birimen seriktestik ornatýy tiis.
Mysaly, Raiymbek aýdanynda kartop qory, Balqash ta - kúrish, Qaratal da - piiaz qory bar , - dep atap ótti oblys ákiminiń orynbasary.
Seletorlyq jiyn óz nátijesin berdi. Burynǵydai emes, bul otyrys áleýmettiń áleýetin arttyrýǵa yqpal etti. Endi erteń tań sáriden Taldyqorǵan qalasynyń turǵyndary qajetti taǵam ónimderin tiimdi baǵada ala alady. Resmi aqpar boiynsha, naýryzdyń 23 juldyzynda Jetisýdyń bas shaharyndaǵy Arbatta jáne Kommýnaldyq bazarda suiyq mai, un, kúrish, jemis-jidek, kókónis jáne sút ónimderi jáne t.b. áleýmettik mańyzy bar taýarlar qol jetimdi baǵada satylady.
Sondai-aq, Almaty oblysynyń Turaqtandyrý qorynyń kelesi ónimderi sórelerden oryn alady:
Máselen, suiyq maidyń 0,875 l – 355 teńge, 4,4 l – 1765 teńgeden, qanttyń 50 kg – 9 000 teńgege saýdalansa, kúrishtiń 1 kg – 225 teńgege alýǵa bolady. Jáne de kespeniń 1 kg – 180 teńge, kartoptyń 1 kg – 80 teńge, piiazdyń 1 kg – 60 teńgeden satylatyn bolady.
Mine osylai, tótenshe jaǵdai kezinde týra sheshim qabyldandy. Endigide eldiń eńsesi tiktelip, turmysy biraz jaqsarmaq. Aldaǵy ýaqytta Almaty oblysynda mundai igi ister jalǵasyn tabatyn bolady.
Anar SABYROVA
