Baǵdarlamanyń negizgi maqsaty – gazben jabdyqtaý júiesine abonentterdi qoljetimdi baǵamen jáne bólip tóleý múmkindigin qoldana otyryp qosý. Bul maqsatqa oblystyq biýdjetten 500,0 mln teńge kóleminde qarajat bólindi,
Oblystyq energetika jáne TÚKSh basqarmasynyń habarlaýynsha, oblystyń eldi mekenderin gazdandyrý baǵdarlamasynyń úilestirýshisi – «Jetisý-OblGaz» JShS.
Máselen, Eskeldi aýdany Qarabulaq aýyly abonentterin gazben jabdyqtaý úshin «Jetisý-OblGaz» JShS men «HoýmGaz» JShS jeke uiymy arasynda abonentterdi gazǵa qosý jumystaryn júrgizýge konsortsiým jasalǵan. Konsortsiýmǵa sáikes bir abonentti tolyq qosý quny ortasha eseppen 250-300 myń teńge bolady.
Bul rette qurylys materialdary men jabdyqtarynyń barlyq túrleri abonentterge 8 ai merzimge paiyzsyz bólip tóleý arqyly beriledi. Búgingi tańda 43 abonentti gaz taratý jelilerine qosý jumystary bastaldy, úi ielerimen kelisimsharttar jasalýda.
Eske salsaq, Almaty oblysynda 144 eldi meken gazdandyryldy, tabiǵi gazǵa 1,1 mln adam nemese turǵyndardyń 56% qol jetkize alady. Barlyǵy 20 aýdan men qalalardyń 15-i gazdandyrylǵan.
Oblystyń gazdandyrylmaǵan qalǵan 5 aýdany úshin uzyndyǵy 224 shaqyrym «Taldyqorǵan-Úsharal, uzyndyǵy 118 shaqyrm «Shelek-Kegen» magistraldy gaz qubyrynyń TEN jáne JSQ-sy ázirlenýde. Osy maqsattarǵa oblystyq biýdjetten 149,1 mln teńge bólindi. Sonyń nátijesinde 91 eldi meken gazdandyrylatyn bolady, 300,0 myń abonent gazǵa qol jetkizedi.
Almaty oblysy ákiminiń baspasóz qyzmeti.
