Baiqaýdyń maqsaty – memlekettik til saiasatyn odan ári jetildirý jónindegi jumystardy júzege asyrý jáne memlekettik organdardaǵy memlekettik til saiasatyn júrgizýdegi ózindik úlesin aiqyndaý.
Baiqaýǵa, aýdan, qala ákimdikterinde qyzmet isteitin memlekettik qyzmetshilerden quralǵan 15 top qatysty.
Jarysqa qatysýshylardy Almaty oblysynyń tilderdi damytý jónindegi basqarma basshysynyń mindetin atqarýshy Gúlnar Bitebekova quttyqtady.
– QR Prezidenti Nursultan Ábishuly Nazarbaev «Qazaqstan joly-2050: bir maqsat, bir múdde, bir bolashaq» atty Joldaýynda «Máńgilik el» ideiasyn jariialady. «Máńgilik el» qazaq tiliniń damýymen birtutas ekenin erekshe atap ótti. Elbasynyń óz joldaýynda memlekettik til týraly: «Endi eshkim ózgerte almaityn bir aqiqat bar. Ana tilimiz máńgilik elimizben birge máńgilik til boldy. Ony daýdyń taqyryby emes, ulttyń uiytqysy ete bilgenimiz jón» dep aitqan sózi árbir adamǵa jaýapkershilik júkteidi, – degen Gúlnar Aidarqyzy ana tilimiz rýhani túp tamyrymyz ekendigin, eldiktiń negizgi sharty ult rýhynyń ósýimen, memlekettik tildiń damý biigimen ólshenetinin, osy oraida jetisý jerinde atqarylyp jatqan jumystardyń az emestigin, jyl sanap memlekettik tilge qatysty atqarylyp jatqan sharalar men oǵan bólinip jatqan qarjy kólemi de ulǵaiyp keletinin tilge tiek etti.
Óz sózinde ol 2005-2006 jyldarmen salystyrǵanda memlekettik tilde is-júrgizý 46 paiyzdan 99, 3 paiyzǵa jetkendigin, memlekettik tildi bilý – memlekettik qyzmetshilerdiń eń basty biliktilik talabyna ainalǵanyn aitty. Sondai-aq, baiqaýǵa qatysýshy toptarǵa sáttilik tiledi.
Baiqaýǵa qatysýshylar tórt tapsyrma boiynsha synǵa tústi. Alǵashqy kezeńde saiyskerler ózderin óleń-jyrmen, qara sózben jan-jaqty tanystyrdy. Ekinshi kezeńde ár komanda led-ekrannan kórsetilgen jer-sýlardyń ataýlaryn anyqtap, qysqasha tarihynan syr shertti. Úshinshi ainalymda top músheleri memlekettik til týraly bastalǵan qanatty sózderdi jalǵastyryp, tilderdi damytý salasyn retteitin normativtik quqyqtyq aktiler týraly suraqtarǵa jaýap berdi. Sońǵy ainalymda «Máńgilik el – mártebeli til» taqyrybynda mýzykalyq jáne teatrlandyrylǵan qoiylymdar kórsetti.
Baiqaýdyń sarapshylary úmitkerler ónerin baǵalaý kezinde til sheberligine, sóz ónerine, kiim kiiý úlgisine, sahnada ózin-ózi ustaýy syndy basty belgilerge basa nazar aýdardy. Qazylar alqasynyń sheshimimen baiqýdyń bas júldesi barlyq synnan súrinbei ótken Taldyqorǵan qalasy ákimdiginiń «EKSPO» komandasyna berildi. Birinshi oryn aqyndar men batyrlar elinen kelgen «Jambyl juldyzdary» tobyna tabys etildi. Ekinshi oryn eki topqa buiyrdy. Atap aitsaq, «Alakól qyrandary» (Alakól aýdany) toby men Panfilov aýdanynan qatysqan «Aldaspan» toby. Júldeli úshinshi oryn úsh aýdanǵa buiyrdy. «Alataý» toby (Talǵar aýdany), Qaratal aýdanynan «Jalyn» toby jáne «Talshyn» toby (Sarqan aýdany). Sonymen qatar baiqaýdyń arnaiy nominatsiiasy Eńbekshiqazaq aýdanynyń namysyn qorǵaǵan «Rýhaniiat» tobyna tabystalsa, yntalandyrý syilyǵyn «Tildaryn» (Kóksý aýdany) toby ilendi. Barlyq jeńimpazǵa aqshalai syilyq pen arnaiy diplom tabys etildi. Baiqaýda jeńimpaz atanǵan «EKSPO» toby aldaǵy ýaqytta ótetin respýblikalyq saiysta Almaty oblysynyń namysyn qorǵaityn bolady.
