Almaty oblysynda politsiia on tórtinshi esirtki zerthanasyn joidy, – dep habarlaidy Dalanews.kz Polisia.kz-ke siltep.
“Qarasora – 2024” jedel-profilaktikalyq is-shara barysynda esirtki qylmysyna qarsy is-qimyl basqarmasynyń qyzmetkerleri Besaǵash aýylynyń mańynda psihotroptyq zattardy zańsyz óndirdi degen kúdiktini ustady. Politsiia toqtatqan kólikti tekserý barysynda jolaýshylar oryndyǵynda 22 jastaǵy er adam bolǵan.
Jeke tintý barysynda odan erekshe iisi, untaq zaty bar qara polietilen paket tabylyp, tárkilendi.
– Odan ári jedel is-sharalar barysynda politsiia qyzmetkerleri kúdiktige tiesili jalǵa alynǵan garajǵa tintý júrgizdi. Tekserý kezinde 11 plastikalyq bótelke tárkilendi, ol ustalǵan adamnyń aitýy boiynsha suiyq kúidegi mefedron eken. Sonymen qatar ártúrli konteinerlerde, sonyń ishinde tońazytqyshta saqtalǵan prekýrsorlar men untaq zattar bar eki kanistr tabyldy. Saraptama nátijeleri boiynsha alynǵan zat jalpy salmaǵy 1,7 keliden astam “alfa-PVP” psihotroptyq zaty ekeni rastaldy, – dedi Almaty oblysy PD EQQKB bastyǵy Ardaq Qaisarov.
Psihotroptyq zattardy zańsyz daiyndaý faktisi boiynsha qylmystyq is qozǵaldy. Kúdikti qamaýǵa alyndy.
Tergeý jalǵasyp jatyr.
