Almaty oblysy Esik qalasynyń burynǵy ákimine qatysty sot sheshim shyqty, - dep habarlaidy Dalanews.kz.
egovpress Telegram-arnasy málimetinshe, Almaty oblysy Esik qalasynyń burynǵy ákimi Ashat Ańsatbaev balalardyń qaýipsizdigine kóz jumyp, 2 million teńge kóleminde para alǵan.
"Ol qol qoiýy kerek aktiler 10 oiyn alańyn salýǵa qatysty boldy. Sot oǵan 100 million teńge aiyppul túrinde aýyr jaza taǵaiyndap, úiine jiberdi. Qoi urlasa, basqa másele. Qylmystyq Kodeksten jemqorlyq boiynsha bosatýdy alyp tastaý kerek", - dep jazdy Telegram-arna.
Byltyr ol para aldy degen kúdikke ilindi. Ol kezde jergilikti atqarýshy organdardyń zańsyz áreketteri boiynsha azamattar shaǵymdanǵan bolatyn. Osylaisha jemqorlyqqa qatysy bar degen kúdikpen Almaty oblysy Esik qalasynyń ákimi áshkerelendi.
"Ol qalanyń oiyn alańyn abattandyrý jónindegi jumystardy memlekettik satyp alý sharty boiynsha biýdjet qarajatyn kedergisiz tólegeni úshin jeke kompaniia ókilinen iri mólsherde para aldy dep kúdikke ilindi", - dep habarlady sol kezde Antikor.
Kúdikti kinásin de tolyq moiyndaǵan bolatyn. Endi aiyppulmen sytylyp otyr.
Aita keteiik, Ashat Ańsatbaev 1992 jyly 13 qyrkúiekte dúniege kelgen.
Eńbek jolyn 2014 jyly Eńbekshiqazaq aýdanynyń "Turǵyn úi kommýnaldyq sharýashylyǵy jáne turǵyn úi inspektsiiasy bólimi" MM júrgizýshisi bolyp bastaǵan. Al 2022 jylǵy 14 naýryzdan bastap Esik qalasynyń ákimi qyzmetine kelgen edi.
