Almaty oblysynda Qazaqstan Respýblıkasynyń Konstıtýsıa kúni keń kólemde atalyp ótti
Ata Zań merekesine oraı óńirde 230-dan astam shara uıymdastyrylyp, olarǵa 45 myńǵa jýyq adam qatysty.
«Ata Zańym - aıbynym» atty merekelik is-sharaǵa Marat Sultanǵazıev qatysyp, turǵyndarǵa quttyqtaý sózin arnady. Shara aıasynda óńir damýyna úles qosqan azamattar marapattaldy. Olardyń ishinde belgili akter, tanymal tulǵa Bekjan Turys ta bar. Óner maıtalmanyna "Almaty oblysynyń Qurmetti azamaty" ataǵy berildi.
Merekege oraı budan ózge túrli saladaǵy jáne qoǵamdyq ómirdegi eńbekteri úshin taǵy birqatar azamatqa memlekettik nagradalar tabys etildi. Jıyn sońy tanymal óner juldyzdarynyń patrıottyq sezimge toly án-shashýyna ulasty.
Oblystyń ár túkpirinde Konstıtýsıa kúnine arnalǵan saltanatty jıyndar, merekelik konsertter, kórmeler, fleshmobtar, mádenı is-sharalar men sporttyq jarystar ótti.
