الماتى وبلىسىندا قازاقستان رەسپۋبليكاسىنىڭ كونستيتۋسيا كۇنى كەڭ كولەمدە اتالىپ ءوتتى
اتا زاڭ مەرەكەسىنە وراي وڭىردە 230-دان استام شارا ۇيىمداستىرىلىپ، ولارعا 45 مىڭعا جۋىق ادام قاتىستى.
«اتا زاڭىم - ايبىنىم» اتتى مەرەكەلىك ءىس-شاراعا مارات سۇلتانعازييەۆ قاتىسىپ، تۇرعىندارعا قۇتتىقتاۋ ءسوزىن ارنادى. شارا اياسىندا ءوڭىر دامۋىنا ۇلەس قوسقان ازاماتتار ماراپاتتالدى. ولاردىڭ ىشىندە بەلگىلى اكتەر، تانىمال تۇلعا بەكجان تۇرىس تا بار. ونەر مايتالمانىنا "الماتى وبلىسىنىڭ قۇرمەتتى ازاماتى" اتاعى بەرىلدى.
مەرەكەگە وراي بۇدان وزگە ءتۇرلى سالاداعى جانە قوعامدىق ومىردەگى ەڭبەكتەرى ءۇشىن تاعى ءبىرقاتار ازاماتقا مەملەكەتتىك ناگرادالار تابىس ەتىلدى. جيىن سوڭى تانىمال ونەر جۇلدىزدارىنىڭ پاتريوتتىق سەزىمگە تولى ءان-شاشۋىنا ۇلاستى.
وبلىستىڭ ءار تۇكپىرىندە كونستيتۋسيا كۇنىنە ارنالعان سالتاناتتى جيىندار، مەرەكەلىك كونسەرتتەر، كورمەلەر، فلەشموبتار، مادەني ءىس-شارالار مەن سپورتتىق جارىستار ءوتتى.
