Almaty oblysynda karantin rejimi kúsheitildi
«Jetisý» TRK-niń habarlaýynsha, oblystyń bas sanitarlyq dárigeri Qairat Baimuhambetov bul qajetti shara ekenin aitty. Oblysta aýrý deńgeiiniń ósýi áli de baiqalady.
Búgingi kúni Almaty oblysynda koronavirýs infektsiiasyn juqtyrǵan adamdardyń jalpy sany 400-den asady. Sońǵy bir aptanyń ishinde aýrý kórsetkishi 4,5 paiyzǵa deiin ósti. Karantin bosańsyǵanǵa deiin bul kórsetkish 2,5 paiyzdy qurady. Jaǵdai azamattardyń sanitarlyq normalardy saqtamaýy saldarynan nasharlady.
– Oblystyń bas memlekettik sanitarlyq dárigeri retinde men karantin rejimin kúsheitýge májbúrmin. Iaǵni, aýdandar men qalalar arasyndaǵy sanitarlyq posttardy qaitarý, jekelegen nysandar men saýda úileriniń jumysyna tyiym salý kerek. Qoǵamdyq kólikterdiń qozǵalysy shekteýli bolady – ondaǵy adamdar maska rejimin saqtamai júr. Basseinder men sýburqaqtar jabylady. Sondai-aq, virýs qaýpine bailanysty Qapshaǵai sý qoimasynyń jaǵasynda demalys oryndaryn ashýdy toqtata turý josparlanýda, – dedi Qairat Baimuhambetov.
Qazir qalalyq jáne aýdandyq mobildi toptardyń tiimdiligin tekseretin sanitarlyq-epidemiologiialyq qyzmet, oblys ákimdigi men prokýratýrasynyń ókilderinen, sondai-aq politsiia bóliminen birlesken mobildi top qurylýda.
Zań buzýshylyqtar úshin 5-ten 500 AEK-ke deiingi somada aiyppul salynady.
