Almaty oblysynyń prokýratýrasy Talǵar aýdanynda jer zańnamasyn buzý derekterine bailanysty jeti aýyl ákiminiń jaýapkershilikke tartylǵanyn málimdedi, dep habarlaidy Dalanews.kz.
Vedomstvonyń málimetinshe, keiingi úsh jylda paidalanylmai jatqan 2 myń gektardan astam jer memleket menshigine qaitarylǵan. Biyl taǵy 4 myń gektarǵa jýyq jer ýchaskesi osyndai sanatqa ilinip, olar boiynsha sotqa talap-aryzdar joldanǵan. Qazirgi tańda eki talap-aryz qanaǵattandyrylǵan.
Sonymen qatar jer telimderiniń maqsatty paidalanylýyn ózgertý kezinde onyń kadastrlyq qunyn tólemeý faktileri tirkelgen. Jalpy shyǵyn kólemi 306 million teńgeni qurasa, sonyń 165 milliony memleket biýdjetin paidasyna óndirilgen.
Jer zańnamasyn buzýǵa jol bergen jeti aýyl okrýginiń ákimi tártiptik jaýapkershilikke tartylǵan. Olardyń ekeýi "memlekettik qyzmetke kir keltiretin teris qylyqtar" jasaǵany úshin jaýap berdi.
Budan bólek, prokýratýra jer telimderiniń nysanaly maqsatyn zańsyz ózgertý, olardy jeke menshikke berý jáne qosymsha jerlerdi úlestirý syndy zań buzýshylyqtar boiynsha da narazylyq bildirip, ol talaptar tolyqtai qanaǵattandyrylǵanyn habarlady.
