الماتى وبلىسىنىڭ پروكۋراتۋراسى تالعار اۋدانىندا جەر زاڭناماسىن بۇزۋ دەرەكتەرىنە بايلانىستى جەتى اۋىل اكىمىنىڭ جاۋاپكەرشىلىككە تارتىلعانىن مالىمدەدى، دەپ حابارلايدى Dalanews.kz.
ۆەدومستۆونىڭ مالىمەتىنشە، كەيىنگى ءۇش جىلدا پايدالانىلماي جاتقان 2 مىڭ گەكتاردان استام جەر مەملەكەت مەنشىگىنە قايتارىلعان. بيىل تاعى 4 مىڭ گەكتارعا جۋىق جەر ۋچاسكەسى وسىنداي ساناتقا ءىلىنىپ، ولار بويىنشا سوتقا تالاپ-ارىزدار جولدانعان. قازىرگى تاڭدا ەكى تالاپ-ارىز قاناعاتتاندىرىلعان.
سونىمەن قاتار جەر تەلىمدەرىنىڭ ماقساتتى پايدالانىلۋىن وزگەرتۋ كەزىندە ونىڭ كاداسترلىق قۇنىن تولەمەۋ فاكتىلەرى تىركەلگەن. جالپى شىعىن كولەمى 306 ميلليون تەڭگەنى قۇراسا، سونىڭ 165 ميلليونى مەملەكەت بيۋدجەتىن پايداسىنا وندىرىلگەن.
جەر زاڭناماسىن بۇزۋعا جول بەرگەن جەتى اۋىل وكرۋگىنىڭ اكىمى تارتىپتىك جاۋاپكەرشىلىككە تارتىلعان. ولاردىڭ ەكەۋى "مەملەكەتتىك قىزمەتكە كىر كەلتىرەتىن تەرىس قىلىقتار" جاساعانى ءۇشىن جاۋاپ بەردى.
بۇدان بولەك، پروكۋراتۋرا جەر تەلىمدەرىنىڭ نىسانالى ماقساتىن زاڭسىز وزگەرتۋ، ولاردى جەكە مەنشىككە بەرۋ جانە قوسىمشا جەرلەردى ۇلەستىرۋ سىندى زاڭ بۇزۋشىلىقتار بويىنشا دا نارازىلىق ءبىلدىرىپ، ول تالاپتار تولىقتاي قاناعاتتاندىرىلعانىن حابارلادى.
