Almaty oblysynda jekemenshik turǵyn úide jarylys bolyp, saldarynan bir áiel men úsh bala zardap shekti, dep habarlaidy Dalanews.kz.
KTK telearnasynyń málimetinshe, oqiǵa tańsáride Ekpindi aýylynda bolǵan
Úi iesiniń aitýynsha, ol tańerteń aýlaǵa shyqqan sátte úidiń ishinde qatty jarylys estilgen. Sonyń saldarynan baspana shatyry ushyp, qabyrǵalary qirap, órt shyqqan. Úiindi astynda onyń jubaiy men úsh uly qalyp qoiǵan. Er adam olardy óz kúshimen qutqarýǵa kirisip, keiin kórshileri kómekke kelgen.
Aldyn ala málimet boiynsha, oqys jaǵdai balalardyń biri gazdy qosyp, sirińke jaqqan kezde bolǵan. Sol sátte qatty jarylys tirkelgen.
Zardap shekken áiel men balalar túrli deńgeidegi aýyr kúiik, súiek synýy jáne bas jaraqattarymen aýrýhanaǵa jetkizildi. Dárigerler olardyń jaǵdaiyn "turaqty aýyr" dep baǵalady.
Gaz qyzmeti jer asty qubyrynda shynymen gazdyń shyǵýy bolǵanyn rastady. Aqaý anyqtalyp, ýaqytsha joiylǵan. Alaida dál osy aqaý jarylysqa sebep boldy ma, joq pa - ázirge beligisiz.
