Oblystyq densaýlyq saqtaý basqarmasynyń málimetinshe, óńirdegi densaýlyq saqtaý mekemelerinde jeke qorǵaný quraldarynyń úsh aılyq qory, atap aıtqanda 6,2 mln. betperde, 2,5 mln. qolǵap, 74,6 myń bir ret qoldanylatyn qorǵanysh kostúmderiniń jıyntyǵy bar.
Al dárilik zattardyń eki aılyq qory qalyptastyrylǵan, naqtylap aıtsaq, stasıonarlarda 1,4 mlrd. teńgege 204 túrli dári, ambýlatorıalarda 101 mln. teńgege 5 túrli dári qory bar.
Turaqtandyrý qoryna qosymsha 800 mln. teńge bólinip, qarjy kólemi 1,3 mlrd. teńgeni qurady. 500 mln. teńgege dárilik zattardyń 30 túrin satyp alýǵa «INKAR» JSHS biryńǵaı dıstrebúterimen kelisim shart jasalǵan. Sondaı-aq, «SK Farmasıa» arqyly dárihanalar úshin 33 túrli dárige 63 mln. teńgege ótinim berildi, 1 mln. betperde satyp alyndy. Bul rette halyqtyń áleýmettik osal toptary da nazardan tys qalǵan joq. Olar úshin jergilikti búdjet esebinen 92 mln.teńgege vırýsqa qarsy preparattardyń 4 túri satyp alyndy.
Oblysta jeke qorǵaný quraldary óndirisi jolǵa qoıylǵan. «Dolche», «SP «Abdı Ibrahım Global Farm», «Kelýn-Kazfarm» kompanıalary - osy saladaǵy iri kásiporyndar. Maska tigýge 5 tigin kásiporny beıimdeldi, Taldyqorǵan qalasynda maska tigetin úsh qabatty seh jumys isteıdi.
Jalpy táýligine barlyǵy 250 myńnan astam betperde shyǵarylady. Oblys dárihanalarynda satylatyn maskanyń bólshek saýdadaǵy ortasha baǵasy 40 teńgeni qurap otyr.
