Eki KES-tiń jyldyq boljamdy óndirisi 14,1 mln kVt/saǵ quraıdy. Jańa generasıa obektileri qurylysynyń ınvestory jáne bas merdigeri "Hevel" kompanıalar tobynyń qurylymdary, dep habarlaıdy Dalanews.kz Almaty oblysy ákiminiń baspasóz qyzmetine silteme jasap.
Qapshaǵaı qalasy ákimdiginiń málimetine sáıkes, jańa kún elektr stansıalary kúndi baqylaý júıelerimen jabdyqtalǵan. Treker qondyrǵylary kúnniń qaıda ornalasqanyn baqylaıdy jáne avtomatty túrde kún modýlderiniń tıimdi baǵytyn qamtamasyz etedi.
Osylaısha, elektr energıasyn óndirý fotoelektrlik júıeniń statıkalyq ornalasý ádisimen salystyrǵanda orta eseppen 20-25%-ǵa artady.
Eki kún stansalarynyń jyldyq boljamdy óndirisi 14,1 mln kVt/saǵ., bul atmosferaǵa shyǵatyn CO2 shyǵaryndynyń 7,5 myń tonnasyn boldyrmaýǵa múmkindik beredi. Barlyq elektr energıasy Qazaqstan Respýblıkasynyń Biryńǵaı elektr energetıkalyq júıesine túsetin bolady.
