Almaty oblysy respýblıkada aýyl sharýashylyǵyndaǵy jalpy ónim kólemi boıynsha birinshi orynda. Bul týraly oblys ákimi Amandyq Batalov Ortalyq komýnıkasıalar qyzmetinde ótken brıfıń kezinde málimdedi, – dep habarlaıdy Almaty oblysy ákiminiń baspasóz qyzmeti.  



Máselen, oblysta elimizdegi soıanyń 97%, júgeri men qant qyzylshasynyń  64%,jemis-jıdektiń 37%, kókónistiń 25% ósiriledi. Oǵan qosa aımaq ettiń 20% , súttiń 13%, jumyrtqanyń 23 prosentin óndirip otyr.

Oblys ákiminiń aıtýynsha, bıylǵy jyly AÓK-ke 36 mlrd. teńge ınvestısıa tartylǵan, bul ótken jyldyń alǵashqy úsh toqsanymen salystyrǵanda 31 %  artyq.

– Búgingi kúni aýyl sharýashylyǵy daqyldarynyń alańyn  948 myń gektarǵa jetkizdik. Memleket basshysynyń agrarlyq salaǵa jańa tehnologıalardy engizý týraly tapsyrmalaryn oryndaý baǵytynda  oblysta jerdiń 17%-ǵa ozyq tehnologıany qoldaný negizinde óńdeledi. Sonyń arqasynda daqyldardyń ónimdiligi 34%-ǵa artty, – dedi A. Batalov.

Almaty oblysy ákiminiń baspasóz qyzmeti

 

Almaty oblysy ákimi A.Batalovtyń Ortalyq komýnıkasıalar qyzmetindegi brefıngi

 

 

https://dalanews.kz/31735