الماتى وبلىسى رەسپۋبليكادا اۋىل شارۋاشىلىعىنداعى جالپى ءونىم كولەمى بويىنشا ءبىرىنشى ورىندا. بۇل تۋرالى وبلىس اكىمى اماندىق باتالوۆ ورتالىق كوممۋنيكاسيالار قىزمەتىندە وتكەن بريفينگ كەزىندە مالىمدەدى، – دەپ حابارلايدى الماتى وبلىسى اكىمىنىڭ باسپا ءسوز قىزمەتى.  



ماسەلەن، وبلىستا ەلىمىزدەگى سويانىڭ 97%، جۇگەرى مەن قانت قىزىلشاسىنىڭ  64%،جەمىس-جيدەكتىڭ 37%، كوكونىستىڭ 25% وسىرىلەدى. وعان قوسا ايماق ەتتىڭ 20% ، ءسۇتتىڭ 13%، جۇمىرتقانىڭ 23 پروسەنتىن ءوندىرىپ وتىر.

وبلىس اكىمىنىڭ ايتۋىنشا، بيىلعى جىلى اوك-كە 36 ملرد. تەڭگە ينۆەستيسيا تارتىلعان، بۇل وتكەن جىلدىڭ العاشقى ءۇش توقسانىمەن سالىستىرعاندا 31 %  ارتىق.

– بۇگىنگى كۇنى اۋىل شارۋاشىلىعى داقىلدارىنىڭ الاڭىن  948 مىڭ گەكتارعا جەتكىزدىك. مەملەكەت باسشىسىنىڭ اگرارلىق سالاعا جاڭا تەحنولوگيالاردى ەنگىزۋ تۋرالى تاپسىرمالارىن ورىنداۋ باعىتىندا  وبلىستا جەردىڭ 17%-عا وزىق تەحنولوگيانى قولدانۋ نەگىزىندە وڭدەلەدى. سونىڭ ارقاسىندا داقىلداردىڭ ونىمدىلىگى 34%-عا ارتتى، – دەدى ا. باتالوۆ.

الماتى وبلىسى اكىمىنىڭ باسپا ءسوز قىزمەتى

 

الماتى وبلىسى اكىمى ا.باتالوۆتىڭ ورتالىق كوممۋنيكاسيالار قىزمەتىندەگى برەفينگى

 

 

https://dalanews.kz/31735