Almaty oblysynda tárkilengen 10 jer telimi aýktsionǵa qoiyldy. Bul týraly Qaitarylǵan aktivterdi basqarý kompaniiasy habarlady, dep habarlaidy Dalanews.kz.
Almaty oblysyndaǵy tárkilengen 10 jer telimi 13 tamyz kúni aýktsionǵa shyǵarylady. Ýchaskeler Qarasai jáne Jambyl aýdandarynda ornalasqan.
Eń arzan lottyń bastapqy baǵasy 11,2 mln teńgeni, al eń qymbaty - 474,7 mln teńgeni quraidy. Barlyq lottardyń jiyntyq bastapqy quny 1,5 mlrd teńgege jetedi.
Aýktsionǵa qoiylǵan jer telimderiniń biri - aýmaǵy 3323 gektar bolatyn ýchaske - buryn Qairat Boranbaev quryltaishysy bolǵan Almaly holdingine tiesili bolǵan. Ol Shien aýylynyń mańynda ornalasqan. Bul ýchaskeniń bastapqy baǵasy - 243 mln teńge.
Aýktsionǵa qatysý úshin:
E-Qazyna platformasynda tirkelý;
Kepildik jarna engizý;
Ótinishti belgilengen merzimde tapsyrý qajet.
