الماتى وبلىسىندا تاركىلەنگەن 10 جەر تەلىمى اۋكسيونعا قويىلدى. بۇل تۋرالى قايتارىلعان اكتيۆتەردى باسقارۋ كومپانياسى حابارلادى، دەپ حابارلايدى Dalanews.kz.

الماتى وبلىسىنداعى تاركىلەنگەن 10 جەر تەلىمى 13 تامىز كۇنى اۋكسيونعا شىعارىلادى. ۋچاسكەلەر قاراساي جانە جامبىل اۋداندارىندا ورنالاسقان.

ەڭ ارزان لوتتىڭ باستاپقى باعاسى 11،2 ملن تەڭگەنى، ال ەڭ قىمباتى - 474،7 ملن تەڭگەنى قۇرايدى. بارلىق لوتتاردىڭ جيىنتىق باستاپقى قۇنى 1،5 ملرد تەڭگەگە جەتەدى.

اۋكسيونعا قويىلعان جەر تەلىمدەرىنىڭ ءبىرى - اۋماعى 3323 گەكتار بولاتىن ۋچاسكە - بۇرىن قايرات بورانبايەۆ قۇرىلتايشىسى بولعان Almaly حولدينگىنە تيەسىلى بولعان. ول شيەن اۋىلىنىڭ ماڭىندا ورنالاسقان. بۇل ۋچاسكەنىڭ باستاپقى باعاسى - 243 ملن تەڭگە.

اۋكسيونعا قاتىسۋ ءۇشىن:

E-Qazyna پلاتفورماسىندا تىركەلۋ؛

كەپىلدىك جارنا ەنگىزۋ؛

ءوتىنىشتى بەلگىلەنگەن مەرزىمدە تاپسىرۋ قاجەت.