Topyraǵynan jaralǵan.
Armysyń, qairan Jetisý,
Alyptar shyqqan aýyldan, – dep dombyrasyn kúmbirletken aitys óneriniń júirikteri Jetisý tórinde QR Mádeniet ministrliginiń qoldaýymen respýblikalyq joba «Uly Dala án men jyry, aqyndyqtyń jeti qyry» atty kontsert berdi.
Ulttyq ónerdi dáripteý, aitysty ańsaǵan kórermenderge rýhani azyq berý maqsatynda uiymdastyrylǵan kontserttiń shymyldyǵyn Ainur Tursynbaeva ashty.
Balǵynbek balań kelip tur,
Namysty qoldan bermegen.
Jandarbek jaryq juldyz ǵoi,
Mańdaida baǵy sónbegen.
Saradai qyzyń kelip tur,
El-jurtyn jyrmen terbegen.
Ai menen Nurdan jaralǵan,
Aqqýyń edim men degen,
Tórteý bop júrse, tórt aqyn,
Tórt qubylasy teń degen.
Mańdaiǵa bitken baq shyǵar,
Bizde de arman joq shyǵar
Kóktemniń kúni qaýyshqan,
Sizderdei tekti elmenen , – dep jyrynan shashý shashty.
Ainur Tursynbaeva men Sara Toqtamysova kontserttik kórinispen, iaǵni syńsý ánimen qyz uzatsa, «Elordada júrsemdaǵy Jetisý, sensiń meniń júrektegi Astanam», – dep shyqqan Jandarbek Bulǵaqov pen Balǵynbek Imashev betashar jasap, kórermenderge sálem salǵyzdy.
Alataýdyń bókterinde, Jetisýdyń qaq tórinde dúniege kelgen qos azamattyń kontsert berýi ómirge kelgen kúnderimen tuspa-tus kelip otyr. Respýblikanyń túkpir-túkpirin aralamas buryn týǵan jerinen, úlkenderinen bata alýdy, kontsertimizdi Taldyqorǵan qalasynan bastaýdy jón sanadyq, – dedi B.Imashev.
Igi sharadan túsetin qarjyny aqyndar qaiyrymdylyqqa jumsaýdy uiǵarǵan.
«Osy qýanysh kókten túsken nurdai áser etti. Keshtiń qonaǵy bolyńyz dep bilet bergen. Úili bolamyn dep úsh uiyqtasam túsime kirmepti. Elim, jerim degen qazaqtyń aqyndaryna alǵysym sheksiz», – dep qýanyshyn jetkizdi jańa úidiń iesi.
Shara sońynda Almaty oblysy ákiminiń orynbasary Aqan Ábdýáliev Taldyqorǵan turǵyndaryna kontserttik baǵdarlama tartý etken tórt aityskerge aimaq basshysy Amandyq Batalovtyń Alǵys hatyn tabys etti.
Sondai-aq belgili aitysker Balǵynbek Imashevqa Almaty oblysynyń Qurmetti azamaty ataǵy berildi.
Aita ketý kerek, respýblikalyq týr 22 qalany qamtityn bolady. Al 1 mamyr kúni Almaty qalasyndaǵy «AlmatyArena» muzaidynda aitysker aqyn Balǵynbek Imash óner jolynyń 25 jyldyǵyna arnalǵan merekelik kontsertin ótkizedi.
Baljan Jumanbekova, Almaty oblysy
