Almaty oblysynda 600 oryndyq jańa mektep ashyldy
Sońǵy jyldary Jambyl aýdany Jańaqurylys aýylynyń turǵyndar sany artyp, áleýmettik másele týyndaǵan. Mysaly, 150 balaǵa arnalǵan mektepke oqýshylar syimai, úsh aýysymmen oqýǵa májbúr bolǵan. Sondyqtan da jańa oqý jylynda orta bilim beretin mekteptiń ashylýy aýyl turǵyndary úshin naǵyz mereke boldy.
Jańa mektep tolyǵymen zamanaýi jabdyqtarmen jabdyqtalǵan. Oqý ordasynyń saltanatty ashylý rásimine oblys ákimi Amandyq Batalov qatysyp, oqýshylarǵa jańa oqý jylynda sáttilik tiledi.
Esterińizge salaiyq, aimaq basshysy Premer-ministrmen kezdesý barysynda «Nurly jol» memlekettik baǵdarlamasy aiasynda apatty jaǵdaidaǵy jáne úsh aýysymdy mektep máselesi 2016-2017 jyldary jańa mektepter salynǵan soń sheshiletinin aitqan.
«Búgingi mektep – osy jyldyń aiaǵyna deiin beriletin toǵyz mekteptiń biri. Qalǵandary kelesi oqý jyldyń aiaǵyna deiin beriledi. Osylaisha, oblystaǵy másele jaqyn arada sheshiledi», - deidi oblys ákimi.
«Bilimdi damytý jáne ziiatker ultty qalyptastyrý memlekettik saiasattyń mańyzdy baǵyttarynyń biri. Mine, sondyqtan da, «Nurly jol» memlekettik baǵdarlamasy aiasynda zamanaýi bilim infraqurylymy qalyptasty», - dep baiandady aimaq basshysynyń birinshi orynbasary L.Turlashev.
