Óz kezeginde depertament basshysy Almaty oblysy boıynsha 15 kolej 28 mamandyq pen 31 biliktilik boıynsha lısenzıalyq tirkemelerin óz erkimen qaıtaryp bergenin alǵa tartty. Sonymen qatar eki kolej óz mindetin toqtatý jaıly sheshim qabyldaǵanyn jáne 6 kolejdiń jumysy ýaqytsha toqtap turǵanyn alǵa tartypty.
Odan bólek 2020 jyly Almaty oblysynda profılaktıkalyq baqylaýdan 29 mektep ótken. Lısenzıalaý máselesimen 254 ótinish qabyldandy, onyń – 55-i qaıtaryldy.
– Apostıldeý «Azamattarǵa arnalǵan úkimet» memlekettik korporasıasy men «Elektrondy úkimet» veb-portaly arqyly júzege asyrylady. Jyldyń basynan bul qyzmet respýblıkanyń 224 azamatyna kórsetildi. 216 qujat boıynsha oń sheshim qabyldandy, onyń ishinde, 55-joǵary bilim, 24-kásiptik bilim, 123-jalpy orta bilim salasynda, 14-oqý týraly anyqtama. 8 qujatty apostıldeý joqqa shyǵaryldy, – dedi Saýle Kabımoldaeva.
Elimizde koronavırýstyń taralýy da orta bilim salasyna óz kesirin tıgizipti. Buǵan qaramastan departament naýryz aıynan bastap JOO jáne kolejderdiń qashyqtyqtan oqytýdy uıymdastyrý múmkindigin baqylaýda ustady. Atap aıtsaq, oqý jyly barysynda ınklúzıvti bilim berý júıesi, beınebaqylaý júıesi, sanıtarlyq-gıgıenalyq quraldardyń bolýy jáne mektepterdegi 3 aýysymdy oqytý baqylaýdan ótkizgen.
