Búgin Qarasaı aýdany Qaskeleń qalalyq ınfeksıalyq aýrýhanasynan taǵy bir adam emdelip shyqty, – dep habarlaıdy Almaty oblysy ákiminiń baspasóz qyzmeti.

Eske salsaq,  1952 jyly týǵan Jambyl aýdanynyń turǵyny aýrýhanaǵa 30 naýryz kúni túsken bolatyn. Osy pasıentpen qarym-qatynas jasaǵan adamdardyń barlyǵy anyqtalyp, dárigerler baqylaýyna alynǵan.

14 sáýirde syrqattan qaıtalaı alynǵan vırýsologıalyq analız qorytyndysy teris nátıje kórsetti. Qazir pasıenttiń jaǵdaıy jaqsy, shaǵymy joq.

Atap ótsek, Almaty oblysynda COVID19 ınfeksıasynan jazylyp shyqqan adam sany 6-ǵa jetti.