Bul týraly oblys basshysy Amandyq Batalov halyq aldynda esep berý kezinde málimdedi.
Demeýshilik qarajat esebinen 2110 birlik uiymdastyrý tehnikasy berilip, bir mlrd. teńgege 70 jańa jaily avtobýs satyp alynǵan. Mektep ájethanalarynyń máselesi de óz sheshimin taýyp keledi. 348 oqý ordasynda bul jaǵdai rettelse, kúrdeli jóndeý jumystary júrgizilip 17 mekteptiń ájethanalaryn jasaý qalǵan.
Bilim salasyndaǵy taǵy bir másele, úsh aýysymdy oqý oryndarynyń sanyn qysqartý. Úsh aýysymdy oqytýdy joiý úshin Úkimettiń qoldaýymen sońǵy bes jylda 27 myń oryndyq 49 mektep salynǵan.
Kóshi-qon men bala týý kórsetkishiniń artýyna bailanysty úsh aýysymda oqytatyn metep sany artýda. Almaty oblysynda búgingi tańda 49 bilim ordasy 3 aýysymda balalardy oqytady.
«Ótken jyly barlyǵy 7 mektep paidalanýǵa berildi, biyl 18 mektep salamyz. Jumyspen qamtý 2021 jol kartasy aiasynda taǵy jeti mekteptiń, onyń ishinde úsh aýysymnyń ornyna alty mekteptiń qurylysy bastalady. Elbasynyń Bes áleýmettik bastamasyn iske asyrý aiasynda Taldyqorǵan qalasynda Jetisý ýniversitetiniń, Meditsinalyq jáne politehnikalyq kolledjderdiń, Qaratal aýdanynda Bastóbe kolledjiniń jataqhanalary salyndy»,- dedi oblys ákimi esep berý kezinde.
3 jastan 6 jasqa deiingi balalardy mektepke deiingi mekemelermen qamtý deńgeii 98% - ǵa jetti. 127 balabaqshanyń ashylýymen qamtý 2022 jyly 100% - ǵa deiin jetkiziledi.
«Oblys boiynsha 193 balabaqshanyń ystyq sýy joq, 105 – i sýmen qamtamasyz etilmegen, 20 – sy kárizsiz. Prezident balalardy erte jastan damytý júiesin, mektepke deiingi oqytýdyń balamaly nysandaryn qurýdy jáne basqa da máselelerdi qamtityn keshendi jospar ázirleýdi tapsyrdy. Sondyqtan osy problemalardy sheshý jónindegi oblystyq jospardy muqiiat zerdelep, ázirleý qajet»,- dep túiindedi aimaq basshysy Amandyq Ǵabbasuly. .
