TJ kezinde qarjylyq kómekti tek buryn resmi jumysy bolǵandar ǵana emes, ózin ózi jumyspen qamtyǵandar da ala alady. Qazyrgń tańda Almaty oblysynda aýdandyq jáne qalalyq shtabtar demalyssyz kúsheitilgen rejimde jumys isteýde. 10 sáýir kúngi málimet boiynsha, oblysta 42,5 myń teńge kólemindegi áleýmettik kómekke 328 myńnan astam adam ótinish bergen.
Aitalyq, Almaty oblystyq jumyspen qamtýdy úilestirý jáne áleýmettik baǵdarlamalar basqarmasynyń málimetine qaraǵanda, barlyq ótinishterdi aýdan, qala ákimdikteri «Azamattarǵa arnalǵan úkimet» KEAQ-men jáne ÁSMQ-men birlesip qarastyrýda.
10 sáýirdegi málimet boiynsha, áleýmettik kómek 101,3 myń adamǵa taǵaiyndaldy.
Ótinish berý mehanizmi barynsha ońailatylǵan: eshqaida barýdyń keregi joq, azamattardyń ózderine qolaily bolýy úshin ótinishti bir ǵana elektrondy formatta berýine bolady. Almaty oblysynyń turǵyndary áleýmettik tólemdi alý úshin:
- «Elektrondy úkimet» veb-portaly arqyly;
- 42500 Enbek.kz saity arqyly;
- árbir óńirge jasalǵan telegramm botynda myna silteme arqyly berýlerine bolady: -https//t.me/ AlmaObl42500Bot.
Tegin azyq-túlik pen turmystyq jiyntyqtar beriletin azamattar sanatynyń tizimi de keńeitildi.
Almaty oblysy boiynsha 2020 jyly áleýmettik kómektiń barlyq túrlerimen 27 mlrd. 589 mln. teńgege (sonyń ishinde 18 mlrd. 117 mln. teńge AÁK pen kepildi áleýmettik paketke, 9 mlrd. 472 mln. teńge basqa da kómekterge) 308 myń adam qamtylǵan (sonyń ishinde 144 myńy AÁK alýshylar, 189 myńy kómektiń basqa túrlerin alýshylar).
Azyq-túlik alatyndar tizimin keńeitý aiasynda 10 sáýirde alýshylar kontingenti 94 019 adamdy qurady, sonyń ishinde 6 men 18 jas aralyǵynda 2 521 bala, 16 jasqa deiingi 7 721 múgedek bala, 4 073-i – 1-toptaǵy, 19 297-i – 2-toptaǵy, 18 922-si – 3-toptaǵy múgedek jandar, múgedek balaǵa qarap otyrǵan 8 445 ata-ana, jumyspen qamtý ortalyqtarynda tirkelgen 13 040 jumyssyz bar.
Búgingi kúni ataýly áleýmettik kómek alýshylar qataryndaǵy 6 men 18 jas aralyǵyndaǵy 22 521 bala derbes shotyna 2 AEK kólemindegi jalpy somasy 120,5 mln. teńge bolatyn qarjy qarajatyn aýdarý jolymen azyq-túlik jiyntyǵymen qamtamasyz etildi.
Elbasy Nursultan Nazarbaevtyń tapsyrmasyna orai «Birgemiz» qoǵamdyq qorynan halyqtyń áleýmettik áljýaz toptarynyń kartalaryna 50 myń teńgeden aýdaryla bastady. Sonymen qatar Elbasy bastamasymen «Nur Otan» partiiasymen birlesip «Birgemiz» aktsiiasynyń aiasynda 3 myńnan astam az qamtylǵan otbasylarǵa azyq-túlikpen kómek kórsetiledi.
– Biylǵy jyldan bastap AÁK alýshy otbasylarǵa 1 men 6 jas aralyǵyndaǵy balalarǵa kepildi áleýmettik paket (KÁP) túrindegi qoldaýdyń qosymsha sharalary engizildi. Jyl basynan beri KÁP-ny 6 myńnan astam otbasy aldy, munda 13,7 myń bala qamtyldy. Kepildi áleýmettik paket osy aida da beriledi. Sonymen qatar jyl basynan beri AÁK 12 myń 026 otbasyna taǵaiyndalǵan, – dedi Jumyspen qamtýdy úilestirý jáne áleýmettik baǵdarlamalar basqarmasynyń basshysy Zaida Ilimjanova.
Almaty oblysy ákiminiń baspasóz qyzmeti
