Almaty oblysynda Jaqsylyq Úshkempirovtyń esimi berilgen 180 oryndyq zamanaýi dene shynyqtyrý-saýyqtyrý kesheni ashyldy
Ulystyń uly kúni qarsańynda Almaty oblysy Eńbekshiqazaq aýdany Shelek aýylynda zamanaýi dene shynyqtyrý – saýyqtyrý kesheni ashyldy.
Keshenge grek-rim kúresinen Álem chempiony, halqymyzdan shyqqan tuńǵysh Olimpiada chempiony, Qazaqstannyń Eńbek eri Jaqsylyq Úshkempirovtiń esimi berildi.
2022 jyly qurylysy bastalǵan nysanǵa 2 534, 8 mlrd.teńge jumsaldy.
Atalmysh keshende boks, kúres, oiyn, jattyǵý zaly bar. Bul zaldarda boks, erkin kúres, qazaqsha kúres, grek-rim kúresi, voleibol, basketbol, fýtbol, fýtzal, gandbol sekildi sport túrlerinen úiirmeler bar.
Nysannyń aýmaǵy 5477,4 m2 sharshy metr. Bul ǵimaratta Shelek aýylynyń turǵyndary ǵana emes, kórshiles aýyldardyń sportqa qyzyǵýshylyq tanytqan balalary da jattyǵýyna bolady. Keshende kúnine 100-den asa bala birneshe sektsiiada sheberlikterin shyńdaidy.
Atalmysh ǵimarattyń ashylý saltanatynda sóz sóilegen oblys ákimi Marat Sultanǵaziev aitqandai, aitýly mereke qarsańynda jańa keshenniń iske qosylyp jatqany – oblys tarihyndaǵy asa mańyzdy oqiǵa. Bul qadam aýyldyń áleýmettik infraqurylymyn damytýǵa, turǵyndardyń jaǵdaiyn jaqsartýǵa zor múmkindik beredi.
«Sizderdi birneshe zaly men fýtbol alańy bar zamanaýi dene shynyqtyrý – saýyqtyrý kesheniniń ashylýymen shyn júrekten quttyqtaimyn! Bul ǵimarat tek osy Shelek aýylynda ǵana emes, aýdanda sporttyń damýyna jańa serpin beredi dep oilaimyn.
Sebebi onyń negizinde Eńbekshiqazaq aýdanynyń №3 balalar men jasóspirimder sport mektebi qurylyp otyr. Mundai qadam aýdannyń ishinde sporttyq básekeni arttyryp, shyn myqtylardyń iriktelýine múmkindik týǵyzady dep oilaimyn.
Sonymen qatar keshenge grek-rim kúresinen Álem chempiony, halqymyzdan shyqqan tuńǵysh Olimpiada chempiony, Qazaqstannyń Eńbek eri Jaqsylyq Úshkempirov aǵamyzdyń esiminiń berilýi erekshe jaýapkershilik júkteidi.
Jańa sport ǵimaratyn qoldanysqa berý arqyly jas býynnyń, ásirese aýyl jastarynyń sportpen shuǵyldanýyna tiisti jaǵdai jasalýda.
Osy oraida Prezidentimiz Qasym-Jomart Kemeluly Toqaevtyń «Sportshylarymyz kóptegen dúbirli dodada top jaryp, el abyroiyn asqaqtatyp júr. Olar óskeleń urpaqqa úlgi-ónege bolyp, jastardy jarqyn jeńisterge bastaidy. Sport árdaiym memlekettiń nazarynda bolady», – degen sózderi buqaralyq jáne kásibi sportty damytýdaǵy jaýapkershiliktiń joǵary ekendigin kórsetedi. Bul baǵytta basty kóńil aýyldy jerlerge bólinedi.
Saltanatty sharaǵa Almaty oblysynyń ákimimen qatar ákiminiń birinshi orynbasary, oblystyń dene shynyqtyrý jáne sport basqarmasynyń basshysy, bokstan London olimpiadasynyń chempiony Serik Sápiev, QR Parlamenti májilisiniń depýtaty, Aralas jekpe-jekten úsh márte álem chempiony jáne álem kýbogynyń iegeri Ardaq Nazarov, QR Parlamenti májilisiniń depýtaty Maqsat Tolyqbaev, QR Parlamenti májilisiniń depýtaty Daniiar Qasqaraýov, Bokstan birinshi orta salmaqta WBC Asia chempiony (2019) jáne WBA Continental chempiony (2021) Sadriddin Ahmedov arnaiy qatysyp, izgi tilekterin bildirdi.
Sondai-aq, óńir basshysy Marat Sultanǵaziev aýdannyń «Tulpar» JShS júrgizýshilerine 10 jańa
avtobýstyń kiltin tabystady.
