Almaty oblysynda tegin 10 sotyq jerler berilip jatyr degen aqparat tarady. Oblys ákimdigi bul habarlamaǵa qatysty pikir bildirdi, dep habarlaidy Dalanews.kz.
Oblys ákimdigi bul aqparatty joqqa shyǵardy.
"2025 jyly tegin 10 sotyq jer ýchaskeleriniń beriletini týraly taralǵan aqparat qate ekenin habarlaimyz. Qazirgi tańda baqsha massivterin eldi mekenderdiń jerlerine aýystyrý jumystary júrgizilýde, sonymen qatar olardyń maqsatty taǵaiyndalýyn JTQ nemese jeke sharýashylyq jerleri (JShJ) retinde ózgertý josparlanýda. 2025 jyly jalpy aýdany 123 gektardy quraityn 23 baqsha massivin qosý josparlanyp otyr", - deidi ákimdik ókilderi.
Integratsiiadan keiin bos jer ýchaskeleri paida bolǵan jaǵdaida, olar kezekke sáikes beriledi.
Almaty oblysynda 2025 jylǵa jeke turǵyn úi qurylysyna (JTQ) arnalǵan tegin 10 sotyq jer alý kezeginde shamamen 1 284 488 adam bar. Alaida, 2024 jylǵy málimetter boiynsha, oblysta biyl JTQ úshin jer ýchaskelerin berý josparlanbaǵan, sebebi kezekshilerge berý úshin daiyn bos jer ýchaskeleri joq. 2023 jyly Almaty oblysynda 4 300 jer ýchaskesi berilgen, bul kezekke turǵandardyń jalpy sanynyń 0,4%-nan azyn quraidy", - delingen ákimdik habarlamasynda.
Jer ýchaskelerin berý protsesi alańdar daiyn bolǵan jáne bos jerler paida bolǵan saiyn júzege asyrylady, bul shekteýli resýrstar men infraqurylymmen qamtamasyz etý qajettiligine bailanysty.
