Almaty oblysynda 10 jastaǵy balany ittiń shabýylynan qutqaryp qalǵan er adam marapattaldy, dep habarlaidy Dalanews.kz.
30 maýsymda Almalybaq aýylyndaǵy fýtbol alańynda 10 jastaǵy Maksim Golovachevke it shabýyl jasap, bala aýyr jaraqat aldy. Oqiǵa ornyna quzyrly organdar kelgenshe der kezinde jetken aýyl turǵyny Serikbek Saqaibaev ómirine tóngen qaýipti elemei, itke qarsy turyp, balany ólim aýzynan arashalap qaldy. Bul – naǵyz azamattyq batyldyq pen shynaiy erliktiń úlgisi.
"Serikbek Saqaibaevtyń batyldyǵy eleýsiz qalmady. Oǵan qurmet kórsetý maqsatynda arnaiy marapattaý sharasy uiymdastyryldy. Shara barysynda Qarasai aýdany ákiminiń mindetin atqarýshy Rýstam Atshabarov Serikbek myrzaǵa Alǵys hat pen demeýshiler atynan qarjylai syilyq tabystady. Sonymen qatar, merekelik jiynǵa aýdandyq politsiia basqarmasynyń basshysy Nusqabek Zaýlanbaev pen tótenshe jaǵdailar bóliminiń basshysy Baǵdat Sháripbekov arnaiy kelip, Serikbek Saqaibaevqa Alǵys hattar men estelik syilyqtar tapsyrdy. Qarasai aýdandyq aqsaqaldar keńesiniń tóraǵasy Saǵat Másimaqynov óz batasyn berip, bul erlik elge úlgi bolatynyn atap ótti. Bul oqiǵa – árbir azamat úshin úlken sabaq. Qoǵamdaǵy beiqamdyq pen salǵyrttyq adam ómirine qaýip tóndiretini anyq. Zańsyz jáne baqylaýsyz it ustaý derekteri anyqtalǵan jaǵdaida turǵyndar quqyq qorǵaý organdaryna nemese aýdan ákimdigine dereý habarlaýy tiis", - dep jazylǵan habarlamada.
Eske salaiyq, Almaty oblysynyń Qarasai aýdanyna qarasty aýylda 10 jastaǵy balany eki qabaǵan it talap, aýyr jaraqattady. Oqiǵa 30 mamyrda bolǵan.
Oqiǵanyń basty kýágeri ári balany qutqaryp qalǵan aýyl turǵyny, zeinetker Serikbek Saqaibekovtyń aitýynsha, sol kúni kóligimen jolaýshy áieldi úiine jetkizý úshin bara jatqanda, bir top balanyń shýlap, jan-jaqqa qasha jónelgenin kórgen.
Qazir 10 jastaǵy bala Qarasai aýdandyq ortalyq aýrýhanasynda aýyr jaraqatpen em alyp jatyr.
Balanyń anasy Ekaterina Býrmistrovanyń aitýynsha, ulynyń jaǵdaiy óte qiyn.
