2024 jyldyń basynan beri Almaty oblysynda paıdalanylmaı jatqan aýyl sharýashylyǵy jerlerin memleket menshigine qaıtarý boıynsha sharalar qolǵa alynǵan bolatyn. Almaty oblysynyń Jer qatynastary basqarmasynyń málimetteri boıynsha, óńirde paıdalanylmaı kelgen 1322 jer ýchaskegen bólingen 393,1 myń gektar jer anyqtaldy. Al 2023 jyly bul kórsetkish 612,8 myń gektardy quraǵan bolatyn, – dep habarlaıdy Dalanews.kz Almaty oblysy ákiminiń baspasóz qyzmetine silteme jasap.
Basqarma basshysy Amanjol Kenesbaev bul jumystyń aýyl sharýashylyǵyn damytý jáne jer resýrstaryn tıimdi paıdalaný úshin mańyzdylyǵyn atap ótti.
– Paıdalanylmaı jatqan jerlerdi memleket menshigine qaıtarý – oblystyń jer resýrstaryn tıimdi paıdalanýǵa múmkindik beretin strategıalyq mindet. Biz ár gektar aýyl sharýashylyǵy jeri qoǵam men ekonomıkaǵa paıda ákelýi úshin jumys istep jatyrmyz, – dedi Amanjol Keńesbaev.
Qazirgi ýaqytta 81,4 myń gektar jer memleket menshigine qaıtaryldy, bul jospardyń 102%-yna sáıkes keledi. 2023 jyly bul kórsetkish 224,0 myń gektardy quraǵan.
Bılik 2024 jyldyń sońyna deıin taǵy 70,0 myń gektar jerdi qaıtarýdy josparlap otyr, al búgingi kúni jospardyń oryndalý deńgeıi 116%-dy qurady.
Keıbir jaǵdaılarda paıdalanylmaı jatqan jerler sot sheshimderi arqyly memleket menshigine qaıtarylady. Mysaly, jalpy kólemi 31,9 myń gektar bolatyn 63 jer ýchaskesi boıynsha jalǵa alý sharttaryn buzý týraly sot sheshimderi qabyldandy.
Sonymen qatar, kólemi 49,4 myń gektar bolatyn 246 jer ýchaskesi erikti túrde jáne basqa da joldarmen memleket menshigine qaıtaryldy.
Jer qatynastary basqarmasy sondaı-aq jerge salynatyn salyqtyń tıimdiligin arttyrý úshin 162,3 myń gektar jerge arnalǵan 454 materıaldy 20 ese salyq stavkasyn arttyrý úshin hat jibergenin habarlady.
Memlekettik kirister departamentine 18,2 myń gektar jerdi qamtıtyn 164 ýchaske boıynsha joǵary salyq stavkalaryn qoldaný úshin materıaldar jibergen. Qazirgi ýaqytta basqarmada taǵy 74,3 myń gektar jer boıynsha jumys júrgizilýde.
