Soltústik Qazaqstan oblysynda uzaq ýaqyt paidalanylmai kelgen 241 gektar sý qory jeri memleket menshigine qaitaryldy, dep habarlaidy dalanews.kz.
SQO mamandandyrylǵan tabiǵat qorǵaý prokýratýrasy júrgizgen taldaý barysynda Jer kodeksiniń talaptary óreskel buzylǵany anyqtalǵan.
Prokýratýra málimetinshe, Qyzyljar aýdanyndaǵy jer paidalanýshy zań talaptaryna qaishy túrde jalpy aýmaǵy 241 gektar bolatyn sý qory jer ýchaskesin uzaq ýaqyt paidalanbaǵan.
Prokýrorlyq qadaǵalaý aktisiniń nátijesinde kadastrlyq quny 328,2 mln teńge bolatyn jer telimi memleket menshigine qaitaryldy.
Sonymen qatar kináli tulǵalar zańda belgilengen jaýapkershilikke tartylǵan.
Prokýratýra qabyldanǵan sharalardyń nátijesinde memlekettiń buzylǵan múddesi qalpyna keltirilip, jer zańnamasynyń saqtalýy qamtamasyz etilgenin málimdedi.
Qadaǵalaý organy jer qatynastary salasyndaǵy zań buzýshylyqtardyń aldyn alý jáne zańdylyqty qamtamasyz etý jumystary jalǵasatynyn atap ótti.
