Almaty oblysy men Qytai Halyq Respýblikasynyń ekonomikalyq áriptestigi jaqsy nátije kórsetýde. 2023 jyldyń qorytyndysy boiynsha eki el arasyndaǵy taýar ainalymy 1,1 mlrd AQSh dollaryn qurady. Bul týraly Almaty oblysynyń ákimi Marat Sultanǵaziev, Shyńjań-Uiǵyr avtonomiialyq aýdanynan kelgen delegatsiiamen resmi kezdesýinde málimdedi, - dep habarlaidy Dalanews.kz.
Óńir basshysy óz sózinde oblysta ekonomikalyq bailanystardy jańǵyrtý jáne nyǵaitý baǵytyndaǵy júrgizilip jatqan jumystardyń belsendi ekenin atap ótti.
Kommertsiialyq ainalymdy odan ári arttyrý maqsatynda «Qaljat qurǵaq porty» dep atalatyn halyqaralyq tsifrly kóliktik-logistika habyn engizý josparlanýda. Logistika men saýda salasyndaǵy biznesti damytýǵa arnalǵan, zamanaýi alań salý jobasyna jergilikti investorlar da qyzyǵýshylyq tanytyp úlgerdi. Bul joba Qytaidan júk tasymaldaýdy ulǵaityp, kóliktik jáne aýystyryp tieý qyzmetin atqaratyn mańyzdy alań bolmaq.
Óz sózinde oblystyń birinshi basshysy óńirdegi halyqaralyq qatynastardy damytýdaǵy eleýli progresti atap ótti. Onyń aitýynsha, tabys ekonomikanyń túrli salalarynda investitsiialyq jobalardy iske asyrýmen bailanysty.
"Birlesken investitsiialyq jobalardy iske asyrý ekonomikalyq ósýge ǵana emes, sheteldik áriptestermen bailanysty nyǵaitýǵa da yqpal etedi. Osynyń arqasynda bizdiń óńirimiz ártúrli elderdiń investorlary men kásipkerleri úshin barǵan saiyn tartymdy bola túsýde, bul jalpy órkendeý men damýǵa yqpal etedi", - dep atap ótti Marat Sultanǵaziev.
Shyńjań-Uiǵyr avtonomiiasynyń halyq úkimetiniń tóraǵasy Erkin Týniiazý Qazaqstan men ShUAR arasyndaǵy saýda, ónerkásip, kólik, logistika, aýyl sharýashylyǵy jáne týrizm siiaqty túrli salalardaǵy tabysty yntymaqtastyqqa erekshe toqtaldy. Ol sondai-aq birlesken investitsiialyq jobalardy júzege asyrýda Almaty oblysy men ShUAR yntymaqtastyǵynyń bolashaǵyna senim bildirdi.
«Qazaqstannyń negizgi kólik joldarynyń qiylysynda ornalasqan Almaty oblysy, logistika men saýdanyń qarqyndy damýyna yqpal etetin strategiialyq ortalyq bolyp tabylady. Almaty qalasy men Qytai shekarasynyń jaqyn ornalasýy bul aimaqtyń mańyzdy kólik toraby ǵana emes, sonymen qatar júk jáne jolaýshy tasymalyn ulǵaitýdyń qýatty katalizatory. Bul óńirler arasyndaǵy tiimdi bailanysty qamtamasyz etip, aimaqtyq deńgeide de, ulttyq deńgeide de ekonomikalyq damýǵa septigin tigizedi», - dedi Erkin Týniiazý.
Sońynda Erkin Týniiazý ekonomikanyń túrli salalaryndaǵy ekijaqty yntymaqtastyqtyń nyǵaia túsetinine, sondai-aq, buryn qol jetkizilgen kelisimderdiń júzege asatynyna senim bildirdi.
