COVID-19-men kúreske jergilikti biýdjetten barlyǵy 12,1 mlrd teńge baǵyttaldy, onyń ishinde TJ rejimi kezeńinde 2,0 mlrd teńge jumsalǵan.
– Koronavirýs pandemiiasynyń ekinshi tolqynyna daiyndalýǵa biýdjetten jáne rezervten qosymsha 7,3 mlrd teńge bólindi. Virýsqa qarsy turý maqsatynda 2 kompiýterlik tomograf, 150 birlik ÓJJ apparaty, jyljymaly rentgen apparaty, 3 tsifrlyq rentgenologiialyq júie, 100 birlik ottegi kontsentratory, 2000 dana pýlsoksimetrler men vibroakýstikalyq massajerler jáne meditsinalyq uiymdar úshin dárilik zattar satyp alyndy, – dep túiindedi Ómirzaq Niiazbekov
Budan basqa, pandemiianyń yqtimal ekinshi tolqynyna 5280 tósek-oryn daiyndaldy. Esterińizge sala keteiik, SOVID-19-men kúresý úshin jaqynda Taldyqorǵan qalasynda modýldik juqpaly aýrýlar aýrýhanasy paidalanýǵa berildi. Onda 200 tósek-oryn bar, onyń 20-sy reanimatsiialyq bólme.
Basqarma basshysynyń aitýynsha, Taldyqorǵan men Almatydaǵy kópsalaly aýrýhanalardyń bazasynda aýyr naýqastarǵa shuǵyl kómek kórsetý úshin zamanaýi jabdyqtarmen jabdyqtalǵan ahýaldyq ortalyqtar qurylǵan. Sondai–aq, balalar juqpaly aýrýlar aýrýhanalarynyń bazasynda balalarǵa arnalǵan eki COVID-ortalyǵy qosymsha jaraqtandyrylýda.
«Ekinshi Tolqynǵa daiyndyq aiasynda SOVID-ortalyǵyna sandyq rentgen-apparat, 20 ókpeni jasandy jeldetý apparaty, 12 kontsentrator, 30 monitor, 8 vibroakýstikalyq apparat jáne 130 pýlsoksimetr qoiylady» dep atap ótti Ómirzaq Niiazbekov.
Búgingi kúni aýrýhanalarda 404 ókpeni jasandy jeldetý apparaty bar. Respýblikalyq biýdjet esebinen taǵy 129 ópeni jasandy jeldetý apparaty jetkiziledi dep kútilýde. Jergilikti biýdjetten 1,2 mlrd teńge somasyna 100 birlik ÓJJ apparaty satyp alyndy, ÓJJ apparattarynyń jalpy sany 533 birlikke jetedi.
Óńirdiń infektsiialyq jáne provizorlyq statsionarlarynda 125,3 myńnan astam qyzýdy túsiretin tabletkalar, 22,7 myń virýsqa qarsy preparattar, sondai-aq 178 myń antibiotikter bar. Turaqtandyrý qory arqyly dárilik zattar rezervin qalyptastyrý úshin jergilikti biýdjetten 500 mln.teńge bólindi.
