COVID-19-مەن كۇرەسكە جەرگىلىكتى بيۋدجەتتەن بارلىعى 12،1 ملرد تەڭگە باعىتتالدى، ونىڭ ىشىندە تج رەجيمى كەزەڭىندە 2،0 ملرد تەڭگە جۇمسالعان.
– كوروناۆيرۋس پاندەمياسىنىڭ ەكىنشى تولقىنىنا دايىندالۋعا بيۋدجەتتەن جانە رەزەرۆتەن قوسىمشا 7،3 ملرد تەڭگە ءبولىندى. ۆيرۋسقا قارسى تۇرۋ ماقساتىندا 2 كومپيۋتەرلىك توموگراف، 150 بىرلىك ءوجج اپپاراتى، جىلجىمالى رەنتگەن اپپاراتى، 3 سيفرلىق رەنتگەنولوگيالىق جۇيە، 100 بىرلىك وتتەگى كونسەنتراتورى، 2000 دانا پۋلسوكسيمەترلەر مەن ۆيبرواكۋستيكالىق ماسساجەرلەر جانە مەديسينالىق ۇيىمدار ءۇشىن دارىلىك زاتتار ساتىپ الىندى، – دەپ تۇيىندەدى ءومىرزاق نيازبەكوۆ
بۇدان باسقا، پاندەميانىڭ ىقتيمال ەكىنشى تولقىنىنا 5280 توسەك-ورىن دايىندالدى. ەستەرىڭىزگە سالا كەتەيىك، سOVID-19-مەن كۇرەسۋ ءۇشىن جاقىندا تالدىقورعان قالاسىندا مودۋلدىك جۇقپالى اۋرۋلار اۋرۋحاناسى پايدالانۋعا بەرىلدى. وندا 200 توسەك-ورىن بار، ونىڭ 20-سى رەانيماسيالىق بولمە.
باسقارما باسشىسىنىڭ ايتۋىنشا، تالدىقورعان مەن الماتىداعى كوپسالالى اۋرۋحانالاردىڭ بازاسىندا اۋىر ناۋقاستارعا شۇعىل كومەك كورسەتۋ ءۇشىن زاماناۋي جابدىقتارمەن جابدىقتالعان احۋالدىق ورتالىقتار قۇرىلعان. سونداي–اق، بالالار جۇقپالى اۋرۋلار اۋرۋحانالارىنىڭ بازاسىندا بالالارعا ارنالعان ەكى COVID-ورتالىعى قوسىمشا جاراقتاندىرىلۋدا.
«ەكىنشى تولقىنعا دايىندىق اياسىندا سOVID-ورتالىعىنا ساندىق رەنتگەن-اپپارات، 20 وكپەنى جاساندى جەلدەتۋ اپپاراتى، 12 كونسەنتراتور، 30 مونيتور، 8 ۆيبرواكۋستيكالىق اپپارات جانە 130 پۋلسوكسيمەتر قويىلادى» دەپ اتاپ ءوتتى ءومىرزاق نيازبەكوۆ.
بۇگىنگى كۇنى اۋرۋحانالاردا 404 وكپەنى جاساندى جەلدەتۋ اپپاراتى بار. رەسپۋبليكالىق بيۋدجەت ەسەبىنەن تاعى 129 وپەنى جاساندى جەلدەتۋ اپپاراتى جەتكىزىلەدى دەپ كۇتىلۋدە. جەرگىلىكتى بيۋدجەتتەن 1،2 ملرد تەڭگە سوماسىنا 100 بىرلىك ءوجج اپپاراتى ساتىپ الىندى، ءوجج اپپاراتتارىنىڭ جالپى سانى 533 بىرلىككە جەتەدى.
ءوڭىردىڭ ينفەكسيالىق جانە پروۆيزورلىق ستاسيونارلارىندا 125،3 مىڭنان استام قىزۋدى تۇسىرەتىن تابلەتكالار، 22،7 مىڭ ۆيرۋسقا قارسى پرەپاراتتار، سونداي-اق 178 مىڭ انتيبيوتيكتەر بار. تۇراقتاندىرۋ قورى ارقىلى دارىلىك زاتتار رەزەرۆىن قالىپتاستىرۋ ءۇشىن جەرگىلىكتى بيۋدجەتتەن 500 ملن.تەڭگە ءبولىندى.
