Almaty oblysy ákimdigi qoǵamdyq kólik máselesin sheshýge qatysty kózqarasyn bildirdi
Óńirlik kommýnikatsiia qyzmeti alańynda ótken is-sharada Jolaýshylar tasymaly salasyndaǵy problemalardy sheshý joldary aityldy.
Birinshi kezekte basqarma basshysy búgingi jaǵdaiǵa basa nazar aýdardy.
«Qala mańyndaǵy marshrýttarǵa qatysty turǵyndar men BAQ ókilderiniń nazaryna 2016 jylǵy 9 jeltoqsannan bastap «Avtomobil kóligi týraly» QR Zańyna, sondai-aq «avtokólikpen jolaýshylar men bagajdy tasymaldaý Erejelerine» sáikes qala mańyndaǵy turaqty marshrýttardy uiymdastyrýdy Almaty qalasynyń qalalyq mobildilik basqarmasy júzege asyratynyn jetkizgim keledi. Iaǵni, eldi mekendi eldi mekenniń belgilengen shekarasynan ólshenetin uzyndyǵy elý shaqyrymǵa deiingi qala mańyndaǵy aimaqpen bailanystyratyn marshrýttar boiynsha tasymaldaý Almaty qalasynyń quzyretinde bolady. Osyǵan bailanysty, qalalyq mobildilik basqarmasy Almaty oblysynyń eldi mekenderiniń qala mańyndaǵy baǵyttary boiynsha 26 avtobýs qatynasyn uiymdastyrdy. Bul oblystyń 50 - ge jýyq eldi mekenin Almaty qalasymen bailanystyrýǵa múmkindik beredi», - dep atap ótti Almas Batanov.
Sonymen qatar, ol barlyq 50 shaqyrymdyq aimaqty qamtý úshin taǵy 35 eldi mekendi avtobýs qatynasymen qosý qajettigin atap ótti.
Basqarma basshysy Almaty qalasyna jaqyn ornalasqan eldi mekender turǵyndarynyń kóptegen ótinishterin nazarǵa ala otyryp, vedomstvo aǵymdaǵy jyldyń 3 toqsanynyń sońyna deiin oryndaý merzimimen 10 jańa qala mańyndaǵy marshrýttardy ashý jóninde usynystar jibergenin atap ótti.
«Sondai-aq, Memleket basshysy Almaty oblysyna jumys sapary barysynda Almaty aglomeratsiialary sheńberinde avtobýs qatynasymen qamtylmaǵan aýyldyq eldi mekenderdi avtobýs marshrýttarymen qamtamasyz etý týraly tapsyrma berdi. Osy mindetterdi sheshý úshin oblys ákimdigi 31 Qańtarda mýnitsipaldy avtobýs parkin zańdy túrde tirkedi, onyń mindetterine qazirgi ýaqytta marshrýttar joq áleýmettik mańyzy bar baǵyttar boiynsha máselelerdi sheshý kiredi. Búgingi tańda avtobýs marshrýttaryn, qozǵalys syzbalary men kestelerin ázirleý, avtobýstar úshin aialdama oryndaryn anyqtaý jumystary júrgizilýde. Marshrýttarǵa alǵashqy avtobýstardy iske qosý aǵymdaǵy jyldyń 2-shi jartyjyldyǵynda josparlanýda», - dep túiindedi Batanov.
Esterińizge sala keteiik, ótken jyldyń 11 qarashasynan bastap Almaty men Qonaev qalalary arasyndaǵy elektr poiyzynyń baǵyty qaita jandandy. Qala mańyndaǵy poiyz kúndelikti júredi. Qonaevtan tańǵy saǵat 06.00-de attanyp, Almatydan keshki 19.00-de keri jóneltiledi.
