Almaty ákimi Darhan Satybaldy «Qazaqstan – Shveitsariia» parlamenttik dostyq tobynyń teń tóraǵasy, kantondar keńesiniń depýtaty Iozef Ditli bastaǵan Shveitsariia Parlamenti depýtattary delegatsiiasymen kezdesti, dep habarlaidy Dalanews.kz
Delegatsiia quramynda kantondar keńesiniń burynǵy tóraǵasy Fillip Lombardi, kantondar keńesiniń depýtaty Marko Keza, ulttyq keńes depýtaty Erik Nýsbaýmer jáne Shveitsariia Konfederatsiiasy Parlamentiniń basqa da ókilderi boldy.
Darhan Satybaldy atap ótkendei, Almaty – eldiń eń iri qarjy jáne iskerlik ortalyǵy. Munda Qazaqstandaǵy bank aktivteriniń 60 paiyzdan astamy men saqtandyrý naryǵynyń shamamen 70 paiyzy shoǵyrlanǵan. Qalanyń ekonomikasynyń negizin qyzmet kórsetý men saýda salasy quraidy, al shaǵyn jáne orta biznes halyqty jumyspen qamtýdyń jáne tabys ósiminiń negizgi kózi bolyp otyr.
Sondai-aq ákimniń aitýynsha, 2025 jyldyń qańtar–tamyz ailaryndaǵy qorytyndy boiynsha Almaty men Shveitsariia arasyndaǵy taýar ainalymy 303 myń AQSh dollaryn qurady.
Kezdesý barysynda depýtattar tabiǵi jaǵdaiy, iskerlik belsendiligi men týrizm jáne qarjy tehnologiialaryn damytý áleýeti turǵysynan Almatynyń Lýgano qalasyna uqsastyǵyn atap ótti.
Kezdesý qorytyndysynda taraptar Almaty men Shveitsariia qalalary arasyndaǵy yntymaqtastyqty odan ári nyǵaitýǵa, sonyń ishinde qalalyq infraqurylym, ornyqty damý jáne innovatsiia salalarynda tájiribe almasýǵa múddelilik bildirdi.
