Almatyda Máslihattyń kezekten tys XVIII sessiiasy ótti, onda depýtattar birqatar máselelerdi qarady, onyń ishinde kóshelerdiń ataýyn ózgertý jáne qala Máslihatynyń kadr máseleleri boiynsha, sondai-aq salyq salasyndaǵy burynǵy sheshimderine ózgerister engizildi, dep habarlaidy Dalanews.kz.
Sessiia barysynda depýtattar megapolistiń birqatar kóshelerine jańa ataýlar berý jáne qaita ataý jónindegi usynysty qoldady. Sonymen, Iu. K. Timiriazev kóshesinen Iu. Gagarin atyndaǵy dańǵyldyń bir bóligi Ermek Serkebaevtyń esimimen, al Áýezov aýdanyndaǵy Iýbileinaia kóshesi Vladimir Tolokonnikovtyń esimimen atalady.
Almatyda ataýsyz kósheler azaiýda:
Bostandyq jáne Túrksib aýdandaryndaǵy eki kóshege Eskendir Hasanǵaliev pen Iýrii Pomerantsev esimderi berildi.
Ermek Serkebaev-Abai atyndaǵy Qazaq memlekettik akademiialyq opera jáne balet teatrynyń solisi, Qazaqstannyń halyq ártisi. Ol kórnekti qazaqstandyq ánshi, halyq ánderin, romanstardy, klassikalyq jáne keńestik shyǵarmalardaǵy basty operalyq partiialardy qazaq, orys jáne basqa tilderde oryndaýshy.
Vladimir Tolokonnikov-Qazaqstannyń eńbek sińirgen ártisi, M. Lermontov atyndaǵy memlekettik akademiialyq orys drama teatrynyń akteri, Almatyda qyryqtan astam filmge túsken.
Eskendir Hasanǵaliev-Qazaqstannyń halyq ártisi, ánshi jáne kompozitor, «Anaǵa sálem» jáne «Gúlsezim» siiaqty tanymal ánderdiń avtory.
Iýrii Pomerantsev-Qazaqstannyń halyq ártisi, akter, rejisser jáne pedagog, «Bizdiń súiikti dáriger» filminiń arqasynda tanymal boldy.
Buǵan deiin sheshim jobasy respýblikalyq onomastika komissiiasynyń qaraýyna jiberilip, qaýly «Ashyq NQA» portalynda aǵymdaǵy jyldyń 28 mamyryna deiin talqylandy.
Sessiia barysynda Máslihat depýtattary «Almaty qalasy ákimdiginiń personaldy quramyn kelisý týraly» qalalyq Máslihattyń 2022 jylǵy 9 jeltoqsandaǵy №199 sheshimine ózgerister engizý týraly sheshim qabyldady. Budan basqa, qoldanystaǵy zańnama normalaryna sáikes keltirý úshin Máslihattyń 2020 jylǵy 9 qazandaǵy «Aýyl sharýashylyǵy maqsatyndaǵy paidalanylmaityn jerlerge jer salyǵynyń bazalyq mólsherlemesin arttyrý týraly» №489 sheshiminiń kúshi joiyldy dep taný jóninde sheshim qabyldandy.
Qazaqstan Salyq Kodeksiniń 509-babyna sáikes, jergilikti organdar paidalanylmaityn aýyl sharýashylyǵy jerleri úshin jer salyǵynyń bazalyq mólsherlemesin 10 esege deiin kótere aldy. Alaida, 2020 jylǵy 10 jeltoqsannan bastap stavkany 20 esege arttyrý jergilikti organdardyń qosymsha aktiler qabyldaýyn qajet etpei, avtomatty túrde júzege asyrylady. Kodekstiń jańa redaktsiiasynda paidalanylmaityn nemese maqsatsyz paidalanylatyn aýyl sharýashylyǵy jerlerine salynatyn salyqtyń bazalyq mólsherlemesi menshik iesine nemese jer paidalanýshyǵa buzýshylyqtardy joiý týraly nusqama berilgennen keiin birden 20 esege ulǵaiady. Sheshimniń bul jobasy Almaty qalasy Qoǵamdyq keńesiniń, Almaty qalasy kásipkerler palatasynyń «Atameken» QR UKP otyrysynda qaraldy. Ol ashyq normativtik quqyqtyq aktilerdiń internet-portalynda ornalastyryldy jáne oǵan qatysty eskertýler men usynystar túsken joq.
