Almaty qalasynyń mańaıyndaǵy jol ınfraqurylymyna qarasty sý ótkizgish qubyrlardyń tehnıkalyq jaǵdaıy men sý ótkizý qabileti tekserildi, dep habarlaıdy Dalanews.kz
Bul jumys kóktemgi qar erý kezeńi men jaýyn-shashyn kezinde joldardyń qaýipsizdigin qamtamasyz etý maqsatynda júrgizildi.
Sý ótkizgish qubyrlar – joldyń mańyzdy elementteriniń biri. Olar artyq sýdy der kezinde ótkizip, jol tóseminiń buzylýyna, shaıylýyna jáne sý basý jaǵdaılaryna jol bermeıdi. Ýaqytyly júrgizilgen tekserýler qubyrlardyń bitelý, tozý nemese zaqymdaný sekildi máselelerin anyqtaýǵa múmkindik beredi.
Mamandar tekserý barysynda qubyrlardyń ótkizgishtik deńgeıin, tehnıkalyq jaı-kúıin jáne tazalyq jaǵdaıyn baǵalady. Qajet bolǵan jaǵdaıda tazalaý jáne jóndeý jumystaryn júrgizý boıynsha naqty usynystar berildi.
Bul sharalar jol qozǵalysynyń qaýipsizdigin arttyrýmen qatar, joldardyń uzaq merzimge saqtalýyna jáne apatty jaǵdaılardyń aldyn alýǵa baǵyttalǵan.
