Almaty jastary Ult josparyn júzege asyrýǵa yntaly
Oǵan Qazaqstan halqy Assambleiasynyń janyndaǵy «Jarasym» jastar qanaty, Almaty qalalyq filialynyń «Jas Otan» jastar komiteti, «Eriktiler ligasy» jastar qozǵalysy, Almaty qalasynyń stýdentter aliansy, «Jasyl el» jastar eńbek jasaqtary, Qyzdar ýniversiteti, Abai atyndaǵy QazUPÝ syndy beldi oqý oryndarynyń belsendi stýdentteri qatysty.
Jiyndy ashqan Qyzdar ýniversitetiniń rektory Dinar Nóketaeva Elbasy Úndeýiniń mánine toqtalyp ótip, Jańa Qazaqstannyń jasampaz jastaryn sailaýdy qoldaýǵa shaqyrdy.
– QR Parlamenti Májilisiniń kezekten tys jáne óńirlik máslihat depýtattarynyń kezekti sailaýy, saiasi bastama – Májilis depýttarynyń ǵana emes, barsha Qazaqstan halqynyń ustanymy. Óitkeni, halyq qalaýlylary tarapynan Memleket basshysyna jasalǵan kezekten tys Májilis sailaýyn ótkizý jónindegi usynys qoǵamda úlken qoldaýǵa ie boldy. Halyqaralyq sarapshylar da bul usynysty maquldap, daǵdarystyń aldyn alýdaǵy Qazaqstannyń iri qadamy ekenin rastady. Kúni keshe ǵana Qazaqstan halqyna úndeý jariialaǵan Ult Kóshbasshysy N.Á.Nazarbaev «Bul kúnderi meniń atyma bastamaǵa qoldaý kórsetken kóptegen hattar men jedelhattar kelip tústi. Kezekten tys sailaý ótkizý qajettigi týraly pikirdi saiasi partiialar men kásipodaqtar, úkimettik emes uiymdar, kásiporyndardyń, mekemeler men oqý oryndarynyń eńbek ujymdary quptady. Sondai-aq, oǵan ardagerler men jastardyń uiymdary, biznestiń, ǵylymi jáne shyǵarmashylyq ziialy qaýymnyń ókilderi, kóptegen jeke azamattar qoldaý bildirdi. Meniń atyma kelip túsken bul úndeýlerde keltirilgen barlyq dálel-dáiektemeler maǵan túsinikti. Olarda elge degen qamqorlyq pen qoiylǵan mindetterdi is júzinde asyrýǵa kirisý degen qajetsiný bar» dep Parlament Májilisi depýtattarynyń usynysyn jan-jaqty zerttep baryp, saiasi naýqandy ótkizýge sheshim qabyldaǵanyn málimdedi. Ras, bizge jańa Parlament, ilkimdi ideiasy bar kreativti tolqyn, jańasha oilaityn innovatsiialyq novatorlar kerek. Prezidenttiń «Qazaqstan – 2050» Strategiiasyndaǵy damyǵan 30 eldiń qataryna ený, «Nurly jol» baǵdarlamasy, 5 halyqtyq reformasy men «100 naqty qadamnan» turatyn Ult jospary – bizdiń basty temirqazyǵymyz. Bizdiń ulttyq ideologiiamyz – Máńgilik El bolý. Oǵan taǵdyry – bir, tilegi – tutas, birligi – bekem el ǵana jetedi. Qurmetti jastar, sondyqtan men barshalaryńyzdy qazaqstandyq arman – Ult josparyn júzege asyrýǵa, Elbasynyń senimin aqtaýǵa shaqyramyn! – dedi D.Nóketaeva.
Odan ári sóz alǵan «Jas Otan» Almaty qalalyq filialy jastar komitetiniń múshesi Aslan Baizahanov «Jas Otan» jastar qanaty bul sheshimdi tolyǵymen qoldaitynyn tilge tiek etti.
Óz kezeginde QazUAÝ ózin-ózi basqarý stýdenttik komitetiniń basshysy Nazgúl Erejepova:
– Bul dál ýaqytynda qabyldanǵan sheshim. Bul sailaýdyń halyq úshin, memleket bolashaǵy úshin mańyzy zor. Elimizde «100 naqty qadam» Ult jospary, 5 halyqtyq reformalar satylai júzege asýda. Ula dala eliniń urpaǵy beibitshiligi jarasqan biregei memlekette ómir súrip keledi. Bizdiń ósip-órkendeýimizge, bilim qýyp, bolashaqty jasaýymyzǵa barlyq jaǵdailar jasalǵan. Biz azat eldiń jastary retinde beibitshilik pen yntymaq jolyn tańdaimyz! Sailaý ótkizý bastamasyn qoldaimyz! – dep atap ótti.
– Almaty – jastardyń qalasy. Siz ben biz – osy eldiń bolashaǵymyz. Bolashaǵymyzdyń jarqyn, sáýleli bolýy, turaqty ári úzdiksiz damýy bizge bailanysty. Egemen Qazaqstannyń bolashaq irgetasyn qalaý – azamattyq ustanymy aiqyn, bilimi men biligi jarasqan belsendi jastardyń qolynda, – degen Qyzdar ýniversiteti jastar komitetiniń basshysy Marjan Ahtaeva jastardy el damýynda jaýapty kezeńdi qoldaýǵa shaqyrdy.
Forým aiasynda Almaty qalasynyń jastary men stýdenttik uiymdarynyń ókilderi QR Parlamenti Májilisi men barlyq deńgeidegi máslihat depýtattarynyń kezekten tys sailaýyn ótkizý týraly sheshimdi qoldaityndyǵy jóninde Úndeý jariialap, barsha qazaqstandyq jastardy sailaýdy qoldaýǵa shaqyrdy.
«Qyzdar ýniversiteti» media ortalyǵy
