وعان قازاقستان حالقى اسسامبلەياسىنىڭ جانىنداعى «جاراسىم» جاستار قاناتى، الماتى قالالىق فيليالىنىڭ «جاس وتان» جاستار كوميتەتى، «ەرىكتىلەر ليگاسى» جاستار قوزعالىسى، الماتى قالاسىنىڭ ستۋدەنتتەر اليانسى، «جاسىل ەل» جاستار ەڭبەك جاساقتارى، قىزدار ۋنيۆەرسيتەتى، اباي اتىنداعى قازۇپۋ سىندى بەلدى وقۋ ورىندارىنىڭ بەلسەندى ستۋدەنتتەرى قاتىستى.
جيىندى اشقان قىزدار ۋنيۆەرسيتەتىنىڭ رەكتورى دينار نوكەتايەۆا ەلباسى ۇندەۋىنىڭ مانىنە توقتالىپ ءوتىپ، جاڭا قازاقستاننىڭ جاسامپاز جاستارىن سايلاۋدى قولداۋعا شاقىردى.
– ق ر پارلامەنتى ءماجىلىسىنىڭ كەزەكتەن تىس جانە وڭىرلىك ءماسليحات دەپۋتاتتارىنىڭ كەزەكتى سايلاۋى، ساياسي باستاما – ءماجىلىس دەپۋتتارىنىڭ عانا ەمەس، بارشا قازاقستان حالقىنىڭ ۇستانىمى. ويتكەنى، حالىق قالاۋلىلارى تاراپىنان مەملەكەت باسشىسىنا جاسالعان كەزەكتەن تىس ءماجىلىس سايلاۋىن وتكىزۋ جونىندەگى ۇسىنىس قوعامدا ۇلكەن قولداۋعا يە بولدى. حالىقارالىق ساراپشىلار دا بۇل ۇسىنىستى ماقۇلداپ، داعدارىستىڭ الدىن الۋداعى قازاقستاننىڭ ءىرى قادامى ەكەنىن راستادى. كۇنى كەشە عانا قازاقستان حالقىنا ۇندەۋ جاريالاعان ۇلت كوشباسشىسى ن.ءا.نازاربايەۆ «بۇل كۇندەرى مەنىڭ اتىما باستاماعا قولداۋ كورسەتكەن كوپتەگەن حاتتار مەن جەدەلحاتتار كەلىپ ءتۇستى. كەزەكتەن تىس سايلاۋ وتكىزۋ قاجەتتىگى تۋرالى پىكىردى ساياسي پارتيالار مەن كاسىپوداقتار، ۇكىمەتتىك ەمەس ۇيىمدار، كاسىپورىنداردىڭ، مەكەمەلەر مەن وقۋ ورىندارىنىڭ ەڭبەك ۇجىمدارى قۇپتادى. سونداي-اق، وعان ارداگەرلەر مەن جاستاردىڭ ۇيىمدارى، بيزنەستىڭ، عىلىمي جانە شىعارماشىلىق زيالى قاۋىمنىڭ وكىلدەرى، كوپتەگەن جەكە ازاماتتار قولداۋ ءبىلدىردى. مەنىڭ اتىما كەلىپ تۇسكەن بۇل ۇندەۋلەردە كەلتىرىلگەن بارلىق دالەل-دايەكتەمەلەر ماعان تۇسىنىكتى. ولاردا ەلگە دەگەن قامقورلىق پەن قويىلعان مىندەتتەردى ءىس جۇزىندە اسىرۋعا كىرىسۋ دەگەن قاجەتسىنۋ بار» دەپ پارلامەنت ءماجىلىسى دەپۋتاتتارىنىڭ ۇسىنىسىن جان-جاقتى زەرتتەپ بارىپ، ساياسي ناۋقاندى وتكىزۋگە شەشىم قابىلداعانىن مالىمدەدى. راس، بىزگە جاڭا پارلامەنت، ىلكىمدى يدەياسى بار كرەاتيۆتى تولقىن، جاڭاشا ويلايتىن يننوۆاسيالىق نوۆاتورلار كەرەك. پرەزيدەنتتىڭ «قازاقستان – 2050» ستراتەگياسىنداعى دامىعان 30 ەلدىڭ قاتارىنا ەنۋ، «نۇرلى جول» باعدارلاماسى، 5 حالىقتىق رەفورماسى مەن «100 ناقتى قادامنان» تۇراتىن ۇلت جوسپارى – ءبىزدىڭ باستى تەمىرقازىعىمىز. ءبىزدىڭ ۇلتتىق يدەولوگيامىز – ماڭگىلىك ەل بولۋ. وعان تاعدىرى – ءبىر، تىلەگى – تۇتاس، بىرلىگى – بەكەم ەل عانا جەتەدى. قۇرمەتتى جاستار، سوندىقتان مەن بارشالارىڭىزدى قازاقستاندىق ارمان – ۇلت جوسپارىن جۇزەگە اسىرۋعا، ەلباسىنىڭ سەنىمىن اقتاۋعا شاقىرامىن! – دەدى د.نوكەتايەۆا.
ودان ءارى ءسوز العان «جاس وتان» الماتى قالالىق فيليالى جاستار كوميتەتىنىڭ مۇشەسى اسلان بايزاحانوۆ «جاس وتان» جاستار قاناتى بۇل شەشىمدى تولىعىمەن قولدايتىنىن تىلگە تيەك ەتتى.
ءوز كەزەگىندە قازۇاۋ ءوزىن-وزى باسقارۋ ستۋدەنتتىك كوميتەتىنىڭ باسشىسى نازگۇل ەرەجەپوۆا:
– بۇل ءدال ۋاقىتىندا قابىلدانعان شەشىم. بۇل سايلاۋدىڭ حالىق ءۇشىن، مەملەكەت بولاشاعى ءۇشىن ماڭىزى زور. ەلىمىزدە «100 ناقتى قادام» ۇلت جوسپارى، 5 حالىقتىق رەفورمالار ساتىلاي جۇزەگە اسۋدا. ۇلا دالا ەلىنىڭ ۇرپاعى بەيبىتشىلىگى جاراسقان بىرەگەي مەملەكەتتە ءومىر ءسۇرىپ كەلەدى. ءبىزدىڭ وسىپ-وركەندەۋىمىزگە، ءبىلىم قۋىپ، بولاشاقتى جاساۋىمىزعا بارلىق جاعدايلار جاسالعان. ءبىز ازات ەلدىڭ جاستارى رەتىندە بەيبىتشىلىك پەن ىنتىماق جولىن تاڭدايمىز! سايلاۋ وتكىزۋ باستاماسىن قولدايمىز! – دەپ اتاپ ءوتتى.
– الماتى – جاستاردىڭ قالاسى. ءسىز بەن ءبىز – وسى ەلدىڭ بولاشاعىمىز. بولاشاعىمىزدىڭ جارقىن، ساۋلەلى بولۋى، تۇراقتى ءارى ۇزدىكسىز دامۋى بىزگە بايلانىستى. ەگەمەن قازاقستاننىڭ بولاشاق ىرگەتاسىن قالاۋ – ازاماتتىق ۇستانىمى ايقىن، ءبىلىمى مەن بىلىگى جاراسقان بەلسەندى جاستاردىڭ قولىندا، – دەگەن قىزدار ۋنيۆەرسيتەتى جاستار كوميتەتىنىڭ باسشىسى مارجان احتايەۆا جاستاردى ەل دامۋىندا جاۋاپتى كەزەڭدى قولداۋعا شاقىردى.
فورۋم اياسىندا الماتى قالاسىنىڭ جاستارى مەن ستۋدەنتتىك ۇيىمدارىنىڭ وكىلدەرى ق ر پارلامەنتى ءماجىلىسى مەن بارلىق دەڭگەيدەگى ءماسليحات دەپۋتاتتارىنىڭ كەزەكتەن تىس سايلاۋىن وتكىزۋ تۋرالى شەشىمدى قولدايتىندىعى جونىندە ۇندەۋ جاريالاپ، بارشا قازاقستاندىق جاستاردى سايلاۋدى قولداۋعا شاقىردى.
«قىزدار ۋنيۆەرسيتەتى» مەديا ورتالىعى
