Basqarmanyń baspasóz hatshysy Nábira Jumabaiqyzynyń málimetinshe, WhatsApp messendjeri arqyly Almatyda bir adamnan koronavirýs anyqtalǵany týraly habarlama tarap ketkeni. Bul derek shyndyqqa janaspaidy. Aýrýhanaǵa jetkizilgen er adamnan koronavirýs anyqtalǵan joq.
– Búgin jedel járdem stantsiiasyna qalanyń bir turǵyny habarlasty. Túnde Gonkongtan keldim dedi. Denesi qaltyrap, ystyǵy kóterilgen, – deidi Jumabaiqyzy.
Habarlasqan er adamnyń úiine shuǵyl jedel járdem jetken. Dáriger mamandar arnaiy kiimdi de kiip bardy. Osydan keiin patsientti ótkir respiratorlyq virýsty infektsiia belgilerimen I.Jekenova atyndaǵy klinikalyq infektsiialyq aýrýhanaǵa jetkizdi. Statsionarda er adamdy arnaiy boksqa jatqyzǵan.
– Konsiliým ótti. Al patsientti qarap shyqqannan keiin diagnoz qoiyldy. Ol – tumaý. Jaǵdaiy ortasha aýyr bolǵan. Budan bólek, virýsologiialyq synama alyndy. Hattama boiynsha tumaýdy emdeý sharalary bastaldy. Qytaidaǵy koronavirýs infektsiiasyna bailanysty patsient baqylaýǵa alyndy, – dedi Nábira Jumabaiqyzy.
Esterińizge sala ketemeiz, QR Densaýlyq ministri respiratorlyq virýs belgileri bar tórt adamnyń aýrýhanaǵa jatqyzylǵanyn habarlaǵan edi, keiin olardyń ekeýi úiine jiberilgeni aityldy.
Budan keiin Qazaqstannyń bas sanitary Jandarbek Bekshin taǵy alty adamnyń aýrýhanaǵa jatqyzylǵanyn málimdedi.
