باسقارمانىڭ باسپاسٶز حاتشىسى نەبيرا جۇمابايقىزىنىڭ مەلٸمەتٸنشە, WhatsApp مەسسەندجەرٸ ارقىلى الماتىدا بٸر ادامنان كوروناۆيرۋس انىقتالعانى تۋرالى حابارلاما تاراپ كەتكەنٸ. بۇل دەرەك شىندىققا جاناسپايدى. اۋرۋحاناعا جەتكٸزٸلگەن ەر ادامنان كوروناۆيرۋس انىقتالعان جوق.
– بٷگٸن جەدەل جەردەم ستانتسيياسىنا قالانىڭ بٸر تۇرعىنى حابارلاستى. تٷندە گونكونگتان كەلدٸم دەدٸ. دەنەسٸ قالتىراپ, ىستىعى كٶتەرٸلگەن, – دەيدٸ جۇمابايقىزى.
حابارلاسقان ەر ادامنىڭ ٷيٸنە شۇعىل جەدەل جەردەم جەتكەن. دەرٸگەر ماماندار ارنايى كيٸمدٸ دە كيٸپ باردى. وسىدان كەيٸن پاتسيەنتتٸ ٶتكٸر رەسپيراتورلىق ۆيرۋستى ينفەكتسييا بەلگٸلەرٸمەن ي.جەكەنوۆا اتىنداعى كلينيكالىق ينفەكتسييالىق اۋرۋحاناعا جەتكٸزدٸ. ستاتسيوناردا ەر ادامدى ارنايى بوكسقا جاتقىزعان.
– كونسيليۋم ٶتتٸ. ال پاتسيەنتتٸ قاراپ شىققاننان كەيٸن دياگنوز قويىلدى. ول – تۇماۋ. جاعدايى ورتاشا اۋىر بولعان. بۇدان بٶلەك, ۆيرۋسولوگييالىق سىناما الىندى. حاتتاما بويىنشا تۇماۋدى ەمدەۋ شارالارى باستالدى. قىتايداعى كوروناۆيرۋس ينفەكتسيياسىنا بايلانىستى پاتسيەنت باقىلاۋعا الىندى, – دەدٸ نەبيرا جۇمابايقىزى.
ەستەرٸڭٸزگە سالا كەتەمەٸز, قر دەنساۋلىق مينيسترٸ رەسپيراتورلىق ۆيرۋس بەلگٸلەرٸ بار تٶرت ادامنىڭ اۋرۋحاناعا جاتقىزىلعانىن حابارلاعان ەدٸ, كەيٸن ولاردىڭ ەكەۋٸ ٷيٸنە جٸبەرٸلگەنٸ ايتىلدى.
بۇدان كەيٸن قازاقستاننىڭ باس سانيتارى جانداربەك بەكشين تاعى التى ادامنىڭ اۋرۋحاناعا جاتقىزىلعانىن مەلٸمدەدٸ.
