«Almaty – bizdiń ortaq úiimiz» naýqany aiasynda qalalyq tarihi-mádeni mura obektileriniń aýmaqtaryn keshendi tazalaý jumystary júrgizilýde, dep habarlaidy Dalanews.kz.
Búgingi tańda Almatyda 60-tan astam eskertkishter men músinder retke keltirildi: Táýelsizdik monýmenti, «Taǵzym» memorialy, Sh.Ýálihanov, N.Tilendiev, J. Jabaev, M. Áýezov, A. Moldaǵulova men M.Mámetova eskertkishteri jáne taǵy basqalary.
Eskertkishter men biýstter aýmaǵynyń mańaiyn qoqystan tazartý, músindik qurylysty jýylady. Úlken músindermen jumys isteý úshin sýarý mashinalary qoldanylady. Sondai-aq, eskertkishterdi vandalǵa qarsy jabynmen óńdeý jumystary josparlanǵan.
Barlyǵy 100-den astam tarihi-mádeni mura nysandary men 6 arheologiialyq qorǵan qamtylady.
«Taza Qazaqstan» respýblikalyq ekoaktsiiasynyń «Ónegeli urpaq» taqyryptyq aptalyǵy aiasynda kóshetter men gúlder otyrǵyzý, sondai-aq UOS ardagerlerine, qarttar men múmkindigi shekteýli jandarǵa úi mańyndaǵy aýmaqty jinaý boiynsha kómek kórsetýge baǵyttalǵan «Kórshińe kómektes» aktsiiasy jalǵasýda.
Esterińizge sala keteiik, 8 sáýir men 8 mamyr aralyǵynda Almatyda «Almaty – bizdiń ortaq úiimiz» naýqany ótip jatyr. Árbir turǵyn qalanyń damýy men abattandyrylýyna óz úlesin qosa alady.
«Almaty – bizdiń ortaq úiimiz» naýqany týraly barlyq aqparat almaty.kz saitynda, Almaty ákimdiginiń áleýmettik jelilerinde ornalastyrylǵan. Sondai-aq, veb-saitqa qala boiynsha bannerlerde, plakattarda arnaiy ornalastyrylǵan QR-kod arqyly da kirýge bolady.
