Kóliktegi politsiia departamentiniń málimetinshe, 2024 jyldyń basynan beri poiyzdar men áýe reisterinen 900 jolaýshy túrli quqyqbuzýshylyqtar úshin túsirilgen, dep habarlaidy Dalanews.kz.
2 qyrkúiekte Almaty halyqaralyq áýejaiynda 18 jastaǵy Ózbekstan azamaty áýe tirkeý ornynda «bagajymda atom bombasy bar» dep qaljyńdaǵan.
Ol ákimshilik jaýapkershilikke tartylyp, 20 AEK (78 640 teńge) kóleminde aiyppul salynǵan.
"Sheteldik azamat usaq buzaqylyq úshin jazalandy", - dep málimdedi Kólik politsiiasy.
Politseiler mundai áreketterdiń saldary aýyr bolatynyn kópshilik bile bermeitinin aitady.
"Kóliktegi jaǵdaidy destabilizatsiialaý nemese qorqytý áreketteri zań boiynsha aýyr qylmys bolyp sanalady, kináliler mindetti túrde jaýapqa tartylady", - delingen resmi habarlamada.
Jyl basynan beri 900 jolaýshy ákimshilik ereje buzǵany úshin poiyzdar men áýe reisterinen túsirilgen. Eń kóp kezdesetin zańbuzýshylyqtar – spirttik ishimdik ishý, qoǵamdyq orynǵa mas kúide shyǵý, usaq buzaqylyq jáne vagonda shylym shegý.
